IV Encontro de Participación Cidadá en Mondoñedo

Mondoñedo, 6 de febreiro de 2019. Este IV Encontro de Participación Cidadá entre membros da corporación municipal de Mondoñedo, representantes de diversos colectivos veciñais, culturais, empresariais e veciños e veciñas vai ter lugar no Salón de Plenos da Casa do Concello de Mondoñedo o venres, 8 de febreiro, a partir das 20:30 horas.

O obxectivo, como nos encontros anteriores, é tratar, sen máis limitacións que as do respecto e o interese xeral, temas que afectan ao presente e ao futuro da maioría dos veciños e veciñas de Mondoñedo e coñecer o estado de execución dos asuntos tratados en anteriores encontros.

Sobre a mesa, asuntos como:

-Estado de execución do proxecto de potenciación da Área Recreativa da Fervenza de Viloalle, xestións para a cesión para uso público e posta en valor da contorna como a fonte de augas sulfurosas e o acondicionamento do castro da Recadieira.

-Información sobre o proxecto de implantación dun Centro de Inmersión Lingüistica no antigo Mirador, viabilidade técnica e económica da infraestrutura existente.

-Estado dos servizos socio-sanitarios: Residencia de maiores, Centro de Día e de Alzheimer, Centro de Saúde e outros servizos e dotacións.

-Estado de execución do aparcadoiro da Igrexa Nova-Campo da Granxa e dos accesos previstos polo barrio dos Castros.

-Situación das infraestruturas e entidades culturais e turísticas como Casa Museo e Fundación Álvaro Cunqueiro, Centro de Interpretación da Prehistoria e da Natureza de Vilar, Casa de Cultura, Centro de Interpretación da Cova do “Rei Cintolo”, Camiño Norte e variante marítima pola Basílica de San Martiño de Mondoñedo, Camiño Natural de San Rosendo, Museo da Imprenta, Mural Xosé Vizoso, colocación dunha placa homenaxe a Pascual Veiga no Auditorio Municipal ou na casa natal

-Infraestruturas viarias: estado da estrada N 634; accesos, acondicionamento do entorno e dotación de luz eléctrica a capela da Ferrería.

-Infraestruturas empresariais: Análise do estado do polígono industrial de Xiros, naves de ECAR-FIMSA e de San Lázaro.

-Estado e suxestións sobre o estado da produción hortícola e de produtos típicos agroalimentarios. O sector forestal.

-Estado e potenciación artesanal do Barrio dos Muíños. Estado das casas cedidas para novos obradoiros, museos e a Feira da Artesanía.

Calquera outra proposta ou tema que a xuízo das persoas asistentes mereza ser tratado será incorporado á orde día no mesmo acto.

Consideramos que a participación cidadá é fundamental para conseguir os obxectivos colectivos que nos propoñamos polo que animamos á veciñanza, organizada ou non, a que se sume a este convocatoria e participe activamente tanto nas propostas como aportando ideas para as deseñar as mellores solucións.