Nota de Prensa
O BNG PROPÓN AOS GRUPOS DA CORPORACIÓN UN VERDADEIRO PLAN DE EMPREGO MUNICIPAL
É necesario ampliar a oferta máis aló das escolas obradoiros e dos contratos parciais e temporais
Foz, 24 de febreiro de 2010.- O portavoz municipal do BNG, Xan Carlos González Basanta, plantexou na Xunta de Portavoces de onte a necesidade de elaborar un Plan de Emprego Municipal serio e continuado. Por iso solicitou dos demáis grupos o compromiso de elaboralo e aprobalo canto antes, compromiso que foi corroborado.
Para o BNG este mal chamado “plan” –pois é máis unha oferta de prazas de peóns- presentado polo Grupo de Goberno non resolve o problema do paro no noso Concello. Segundo Basanta “este plan é só unha medida paliativa pero o Concello de Foz necesita poñer en marcha un verdadeiro plan de emprego duradeiro no tempo e que realmente cre empresa e postos de traballo estables”. A maiores o plan que o Concello poñerá en marcha adoece de ambición pois só está a promover traballos temporais (cunha duración de 4 meses) e a tempo parcial (a media xornada). Así mesmo, este plan vai dirixido exclusivamente a traballos de peón deixando de lado a outras categorías profesionais que tamén sofren o paro como os licenciados, diplomados, auxiliares ou técnicos de Formación Profesional. Por este motivo, o BNG demandou o compromiso do actual grupo de goberno de facer unha nova oferta de postos de traballo dirixido a estas persoas, que foi aceptado.
A proposta do BNG, sen estar en contra do plan presentado, pasa por elaborar un verdadeiro Plan de Emprego Municipal con continuidade no tempo, é dicir, que se faga para levalo a cabo durante 4 anos. Así mesmo, o Plan debe contar con programas dirixidos tanto á promoción do autoemprego –a través de axudas á creación de empresas, programas dirixidos ao comercio ou creación dun fondo municipal de emprendedores- como do emprego – a través de programas de contratación para a reinserción, colaboración con empresas locais con compromiso de contratación ou axudas para a formación en empresas. Para o BNG tamén é moi necesario poñerse en contacto con outras administracións, como a Xunta, para colaborar na creación de emprego estable e asentar poboación no concello.
Desde o BNG somos conscientes que as políticas de emprego municipais non dan resultados se non están acompañadas de políticas estatais e autonómicas, políticas que ata o momento só están castigando ás clases traballadoras e producindo máis paro. Por este motivo, o BNG xa ten demandado dos distintos gobernos do PSOE e do PP que os bancos habiliten créditos ás empresas medianas e pequenas, que se apoien aos sectores productivos do país (naval, pesqueiro ou leiteiro), que haxa un maior investimento público, facer unha reforma fiscal progresiva e que non grave a todos por igual ou que non se recorten os dereitos sociais e laborais dos traballadores.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
