Lugo, 27 de febreiro de 2019.- A subdelegada do Goberno, Isabel Rodríguez, deu conta hoxe dos traballos de limpeza nos ríos das concas do Eo e o Navia na provincia nos que o Ministerio para a Transición Ecolóxica inviste máis de 124.000 euros.
A subdelegada explicou que o proxecto de actuacións do Ministerio para a Transición Ecolóxica, que desenvolve a Confederación Hidrográfica do Cantábrico Occidental, incluíu actuacións en 10 ríos da provincia, cun investimento total de 92.600 euros. Estes traballos realizáronse nos últimos meses en 7 concellos da provincia. Concretamente, fixéronse labores de conservación e mantemento de cauces en ríos das Nogais, Cervantes, Navia de Suarna, Pedrafita do Cebreiro, Ribeira de Piquín, Riotorto e Trabada. O plan completarase coa limpeza de ríos no término municipal de Becerreá, cun presuposto de 31.500 euros.
Ata o momento, fixéronse labores de limpeza nos ríos Navia, en distintos treitos pertencentes aos concellos de Pedrafita do Cebreiro e Navia de Suarna; Eo, ao seu paso polo municipio de Ribeira de Piquín; Machín, en Riotorto; Noceda, das Casas, Rumián, Cervantes e Noceda, no concello de Cervantes; Vidal, en Trabada, e Valdeparada, nas Nogais.
Nos labores de limpeza realizados no río Navia investíronse en total 30.200 euros. Outros 21.800 euros foron para os traballos de limpeza do río das Casas. Ao acondicionamento do río Machín dedicáronse 13.200 euros. Para os traballos de limpeza do río Noceda o presuposto foi de 8.200 euros. No río Vidal o investimento foi de 7.200 euros. No caso do río Eo, investíronse 5.500 euros. A partida destinada ao río Cervantes foi de 2.800 euros.. Ao río Valdeparada dedicáronse 2.000 euros. E o acondicionamento do río Rumián tivo un custe de 1.700 euros.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
