A Pontenova, 15 de marzo de 2019.- O 26 de marzo, escrituraranse os terreos necesarios para a construción da residencia de maiores da Pontenova. A Deputación adquiriu parte deste espazo e o Concello xa lle abonou preto de 95.000 euros. Estase a redactar o proxecto para a súa licitación e iniciar o proceso de contratación das obras.
Sobre o polígono industrial, o Concello fixo todos os traballos que lle corresponden para a súa legalización, estando agora pendente de que a Xunta de Galicia inscriba os novos terreos no Rexistro de Planeamento para poder conceder novas licenzas ás empresas interesadas.
Ao respecto do turismo, o Concello está traballando en novos e importantes proxectos como na mellora das Rutas da Minas ou na posta en valor da área recreativa do Boulloso onde se van a restaurar un forno. De feito, o Concello investiu 145.000 euros na totalidade do proxecto.
Descoñecemento ou mentiras?
“O voceiro do Partido Popular debería coñecer toda esta información, pois o Concello traballa con absoluta transparencia, podendo dirixirse en calquera momento aos traballadores municipais para acadar a documentación que requira. Ou ben mente ou demostra un absoluto descoñecemento e preocupación pola Pontenova ante as falsas acusacións públicas que fixo”.
Así o apuntou o Tenente de Alcalde. Francisco Martínez Bermúdez subliñou que “as persoas que integramos o goberno municipal somos pontenoveses que nos preocupamos e atendemos día tras días ás necesidades do noso Concello como veciños máis que somos. Vivimos e traballamos pola Pontenova, estando sempre a disposición dos nosos veciños, compañeiros e amigos. Pode que isto non o saiba o voceiro do PP, pois é notable a súa ausencia”.
Acudir ao Pleno: única preocupación do voceiro do PP pola Pontenova
“Acude á Pontenova só por motivos laborais e ao Concello exclusivamente cando hai Pleno. Nin o vimos en citas nas que participamos todos os veciños da Pontenova como a Feira de Antigüidades, a Festa do Troita, a da Malla ou o Baixeo, entre outras. Non fixo nin unha soa proposta polo Concello máis alá de pedir que se poña en marcha o tren da Pontenova a Ribadeo. Cando menos, podería pedirlle aos seus compañeiros do PP que axilice a inscrición para a legalización do polígono e poder dar licencias”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O acto celebrarase este venres 4 de setembro ás 20:30 horas na sala de exposicións. Servirase un viño e un pequeno petisco. A mostra permanecerá aberta ao público ata o 4 de novembro.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
