Lugo, 18 de marzo de 2019-. A Consellería de Medio Ambiente, Territorio e Vivenda e o Concello de Ribadeo reuniranse esta semana co Goberno central para trasladarlle as conclusións do estudo xeotécnico e xeolóxico sobre o monumento natural de As Catedrais e esixirlle que acometa a sinalización das zonas máis sensibles a posibles desprendementos antes da próxima Semana Santa, co fin de garantir a seguridade de todas as persoas que visiten este espazo. Así o adiantou esta mañá en Lugo a directora xeral de Patrimonio Natural, Belén do Campo, durante unha visita á aula da natureza de O Veral para manter unha xuntanza de coordinación con axentes medioambientais e técnicos desta zona.
Concretamente, a directora xeral de Sustentabilidade da Costa e do Mar, Ana María Oñoro, reunirase en Madrid o mércores 20 de marzo con Belén do Campo, quen solicitou esta xuntanza tras recibir o informe definitivo elaborado pola Fundación da Enxeñaría Civil de Galicia. No encontro tamén participará a través de videoconferencia o alcalde de Ribadeo, Fernando Suárez.
Cómpre lembrar que o obxectivo deste estudo, encargado pola Xunta despois do accidente ocorrido na Semana Santa de 2018, era coñecer con precisión o estado do monumento natural e facer unha completa caracterización dos seus espazos, tanto da praia como das furnas, cantís e demais elementos que o integran, co fin de poder establecer unha serie de recomendacións sobre a futura xestión desta zona.
A solución finalmente proposta polo equipo redactor para reforzar a seguridade durante as visitas ao monumento inclúe a adopción dunha serie de medidas e intervencións sobre a praia, os accesos á mesma e tamén na senda habilitada para os peóns que percorre a beira do cantil.
Así, á vista dos resultados da cartografía de riscos realizada sobre o terreo, o informe recomenda, entre outras cuestións, reforzar a sinalización e mesmo o impacto das mensaxes referidas a aqueles tramos e elementos naturais nos que a probabilidade de caída de material é alta ou moi alta. Este incremento da cartelaría na que se advirte aos visitantes do perigo afectaría tanto á entrada á praia, como ao propio areal e ao camiño habilitado para o paso dos peóns por riba dos cantís.
Así mesmo, a Fundación Enxeñaría Civil de Galicia tamén propón a prolongación do percorrido existente pola beira do cantil do monumento. A recomendación recollida no estudo sería materializar esta ampliación cunha pasarela de madeira de características similares á que ten a senda xa existente e coa instalación dalgúns miradoiros en zonas moi concretas, estables e seguras desde o punto de vista xeolóxico e desde as que os visitantes poderían obter unha perspectiva diferente do monumento natural.
Competencias sobre costas
O obxectivo da reunión do próximo mércores por parte da Xunta e do Concello de Ribadeo, que desde o primeiro momento actuaron de forma coordinada na busca de solucións para minimizar os riscos para os visitantes de As Catedrais, é lograr que o Goberno central e máis concretamente, a Dirección Xeral de Sustentabilidade da Costa e do Mar se impliquen no problema e asuman a execución das medidas propostas polos expertos para mellorar a seguridade nesta zona e manter a situación actual de libre acceso para as persoas.
Cómpre lembrar que o monumento natural está integramente en terreos de dominio público marítimo-terrestre polo que lle corresponde á Administración do Estado a adopción de calquera posible medida preventiva na zona, no exercicio das súas competencias sobre costas. Ademais e ante a proximidade da Semana Santa, un dos períodos de maior afluencia de visitantes ás Catedrais, a Xunta solicitará á máxima responsable do Goberno na materia, que acometa canto antes as medidas máis urxentes en canto a sinalización, cartelería e acondicionamento das zonas de acceso á praia, co fin de que estes traballos poidan estar rematados antes destas datas.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
