Foz 3-4-19. A asociación cultural A pomba do arco organiza a vindeira semana a V edición das xornadas sentirmos a arte. Segundo sinalou o directivo da entidade e artista plástico Daniel Río “Caxigueiro” “o obxectivo desta actividade que se celebrarán entre o 8 e o 11 de abril no salón de actos do Cenima de Foz é achegar diferentes expresións da creación artística ao conxunto dos veciños da comarca no marco do mes da arte organizado polo colectivo Tá que ao longo de todo o mes desenvolverá diferentes actuacións na Mariña de divulgación da actividade artística”. Na mesma liña Caxigueiro “expresou o convencemento da asociación respecto da consolidación dunha actividade que deu aberto un espazo para o dialogo sobre a arte grazas a resposta da veciñanza da zona a quen queremos convidar a que participen da mesma”.
A comuna del barruzo. Un proxecto musical e artístico.
O luns 8 de abril ás 20.30 no salón de actos do Cenima arrancan as xornadas coa presentación d´ A comuna do barruzo, o último proxecto musical e artístico de Ugia Pedreira que acudirá a Foz para presentalo en compañía do seu editor Abel Pérez. A comuna del barruzo é un libro disco por Mialma producioes creativas e A central folque na que recollen diversas composicións musicadas por Ugia Pedreira e Pierrot Rougier sobre poemas de autores da comarca Eo Naviega como Hector Acebo, Quique Roxíos ou Belen Rico e que ven a ser o primeiro disco en galego de Asturias para o público infantil. As ilustracións que acompañan A comuna del barruzo son da autoría da pintora e ilustradora mariñá Mónica Justo, cunha importante obra no campo da pintura e da ilustración gráfica.
O mural cerámico
O martes 9 de abril ás 20.30 o salón de actos do Cenima acollerá a segunda das palestras. Nesta ocasión tócalle a quenda ao artista plástico viveirense Xosé Luís Neira Broch, recoñecido creador multifacético dunha longa traxectoria. Os murais cerámicos de Neira Brochs atópanse distribuídos pola práctica totalidade da xeografía peninsular formando un conxunto que destacan pola súa grandiosidade, expresividade e intensidade. Nado en Viveiro en 1941 é un dos poucos creadores lugueses vivos con obra exposta no museo Raíña Sofía, traballando incasabelmente desde 1960 en diversas disciplinas plásticas como a escultura, pintura, debuxo, deseño, vidro, cerámica.
O cotián revisado
O mércores 10 de abril ás 20:30 terá lugar no Cenima de Foz a terceira das sesisións de debate. A protagonista neste día será a pintora luguesa Sesé Santiso, que falará sobre o contido do seu último traballo exposto recentemente no museo provincial de Lugo. O cotián revisado pretende ser unha reivindicación do cotiá como instrumento ao servizo da memoria, un obxecto digno de ser prestado e, a súa vez, representado, a través dunha imaxe, que opera como documento, como pegada, como traza visual do tempo, pero tamén como aparello evocador. “O cotián ao ser descontextualizado, dotado dun escenario novo, posto en valor”, en palabras de María Xosé Santiso, “gaña en elocuencia pero tamén ofrecen unha oportunidade á suxestión da imaxinación”.
Máis que ver. Cen historias do deseño en Galiza.
O xoves 11 ás 20:30 terá lugar no Cenima a clausura desta v edición das xornadas Sentirmos a arte cunha palestra a cargo de Xosé Barro. Nado en Pontedeume en 1955 é unha das grandes referencias do deseño gráfico no espazo europeo, se ben a súa obra artística abrangueu outras disciplinas, destacándose como un dos autores pioneiros da banda deseñada en Galiza. Son centos os carteis, exposicións, portadas de libro, centros de interpretación ou imaxes corporativos producidos pola factoría de Barro, algunha delas tan vinculado á Mariña como pode ser o proxecto expositivo do centro de interpretación de San Martiño de Mondoñedo ou corenta anos atrás cartaz que serviu para convocar a marcha contra a central nuclear de Xove.
A entidade, coa colaboración da Vicepresidencia da Deputación, organizará nas próximas semanas a XIII exposición Tal como eramos (28 de agosto), a proxección do filme Antes de nós (3 de setembro) e a homenaxe polo XXII cabodano de Manuel María (6 de setembro). A área de Cultura provincial reforza así o seu apoio continuado ao Iescha, referente na conservación e difusión da cultura galega e chairega.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
