Foz 18-5-19. Nos últimos días estamos vendo como numerosos partidos políticos se preocupan pola contaminación da nosa ría e do noso porto, non podemos mais que mostrar a nosa sorpresa ante tal preocupación, xa que este problema que estamos a soportar todos xa ven de moitos anos atrás, un grave problema medioambiental.
Notase que estamos en campaña electoral e agora vale todo, facer demagoxia barata é habitual na vella política, botarlle as culpas os outros, ou a calquera menos asumir responsabilidades.
O saneamento do noso Concello ten varios problemas derivados dunha mala planificación e que non se controlaron nin executaron as obras como se deberían haber feito.
Non hai separación de augas residuais das augas pluviais na maioría das rúas do noso Casco urbano, nin en Marzán, nin en Forxán, nin en Vilaxoane.
Hai recollidos regatos para a rede de saneamento do noso Concello.
Non están recollidos todos os saneamentos na zoa do porto para o tubo xeral que leva o saneamento para a Depuradora, posiblemente por problema de cotas, por iso aparecen vertidos no porto.
Hai distintos aliviaderos para cando a depuradora non da abasto para que non se sobrecargue o tubo xeral e cree problemas maiores.
A depuradora construída no porto xa cando se puxo a funcionar non tiña a suficiente dimensión para dar depurado todo o saneamento que alí chegaba xa daquela.
Non é certo que a depuradora construída no porto non depure ben. Depura ben cando traballa sobre a cantidade de saneamento para a que esa depuradora foi feita.
Si todos estes problemas foran atallados e corrixidos no seu momento, hoxe non estariamos discutindo a construción dunha nova depuradora, nin os problemas de vertidos no porto de Foz despois dos poucos anos de vida útil da actual depuradora. De pouco vale protestar e botarlle a culpa os mais si non facemos nada para solucionar estes problemas e arrimamos o ombreiro todos.
“Foz, Plataforma de Futuro” durante esta lexislatura aportamos ideas e chegamos a acordos para darlle solución a este problema medioambiental que temos enriba da mesa, como foi por exemplo separar as augas pluviais das residuais da Rúa Álvaro Cunqueiro.
Pero a decisión mais importante que tomamos foi desbloquear en Novembro do 2015 a posible ubicación da nova depuradora do noso Concello, apostando en consenso con diversas asociacións por unha nova posible ubicación fora do Casco Urbano, e acordando crear unha comisión de seguimento, para que os partidos da Corporación como os veciños representados nas distintas asociacións afectadas puideran participar e aportar ideas ,para que a Xunta de Galicia puidera valorala, e ver a viabilidade desta nova ubicación.
Onde estaban todos estes partidos daquela? Pois a resposta é moi sinxela, tapando os ollos , mirando para outro lado e botándonos os veciños enriba ós que estábamos desbloqueando un problema inmenso para o noso Concello e desbloqueando un problemón medioambiental.
Os veciños de Fazouro, de Forxán, de Marzán, de Vilaxoane e inclusive de Vilaronte, e sobre todo do Casco Urbano deberían saber antes do próximo 26 de Maio cales son as propostas de ubicación da nova depuradora que levamos os distintos partidos e os distintos candidatos que nos presentamos para a alcaldía do Concello de Foz, non vaia ser o demo que despois do 26 de Maio nos levemos unha sorpresa.
Pídolles ó resto de partidos políticos que participamos nas eleccións municipais de Foz e ós seus candidatos que manifesten claramente porque situación apostan para a construción da nova depuradora, si non o fan, os veciños do noso Concello poden estar correndo o risco de que voten enganados.
“Foz, Plataforma de Futuro” e eu persoalmente como candidato a Alcaldía de Foz o temos e o teño moi claro, non vou enganar a ninguén, e así o manifestei no acto público que tivemos en Forxán. Sigo apostando pola construción dunha nova depuradora fora do casco urbano, e apostando pola ubicación que se aprobou no pleno de Novembro do 2015, mentres os informes técnicos non digan o contrario. Traballarei de arreo para que esa nova depuradora, onde hai un presuposto de 10 millóns de € de fondos europeos e con perigo de perdelos si non se executa nos vindeiros anos, sexa a futura depuradora do noso Concello, unha depuradora das mais modernas de España, traballarei para mellorar o anteproxecto e o proxecto, traballarei para que se saquen as canalizacións dos regatos ó saneamento, para que se sigan separando augas pluviais da rede de fecais, para que se recollan todos os saneamentos e se canalicen ó tubo xeral, non traballarei nunca para paralizar a infraestrutura mais importante que vai ter o noso Concello nos vindeiros 25 anos polo menos.
A restrición de circulación manterase durante a xornada mentres se desenvolvan os labores, que teñen como obxectivo garantir a seguridade viaria e facilitar a execución dos traballos. Durante este tempo, as persoas que necesiten acceder ás zonas de Santo Albites, Pénjamo ou San Lázaro deberán facelo polo acceso de Río dos Foles. O Concello de Viveiro agradece a comprensión da veciñanza e recomenda extremar a precaución e seguir a sinalización habilitada mentres duren os traballos.
Félix Jorquera pasará polos micrófonos de RadioVoz ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
Comezou o mércores ás 13,35 horas e para a súa extinción mobilizáronse, ata o de agora, 2 técnicos, 10 axentes, 20 brigadas, 17 motobombas, 3 pas, 3 helicópteros e 2 avións. 
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
O acto terá lugar ás 18:30 no paseo da Dársena, onde se instalará un hito que lembra a súa distinción como Fillo Predilecto de Navia. Tamén se descubrirá a placa dos gañadores absolutos da LXVII edición do Descenso, celebrada en 2025. “Moreno”, falecido en 2023, dedicou máis de seis décadas a impulsar esta cita deportiva, converténdoa nun referente nacional e internacional. A alcaldesa, Ana Isabel Fernández, destacou que foi “a alma máter do Descenso” e convidou á veciñanza e participantes a asistir ao acto de recoñecemento.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
