Mondoñedo, 25 de maio de 2019.- A alcaldesa de Mondoñedo, Elena Candia, promocionará e divulgará a potencialidade turística do municipio na 42ª Feira Internacional Abanca Semana Verde – Turexpo, o maior certame multisectorial de mostras e ocio do noroeste peninsular, que se celebrará en Silleda do 6 ao 9 de xuño.
A rexedora mindoniense sinala que “a nosa presenza nesta feira é unha nova oportunidade para seguir avanzando na promoción turística de Mondoñedo dando continuidade a outras iniciativas que viñemos realizando estes anos como poden ser a asistencia a Feira Internacional de Turismo –Fitur- ou ao Foro do Camiño de Santiago –Fair Way-. Froito do traballo de promoción e divulgación, as visitas a Mondoñedo aumentaron nun 163%”.
Escaparate para as feiras e festas mindonienses
De forma paralela a Turexpo tamén se celebrará a vindeira edición de Festur, a feira das Festas de Galicia, que constitúe un atractivo escaparate das celebracións galegas recoñecidas como de Interese Turístico.
Así, a alcaldesa de Mondoñedo dará a coñecer de primeira man aos asistentes a esta Turexpo-Festur as particularidades das celebracións que se desenvolven ao longo do ano no municipio e que contan con esta distinción. É o caso da Semana Santa, que destaca pola súa beleza, singularidade e antigüidade; ou o Mercado Medieval que “se erixe como un dos principais reclamos turísticos de Mondoñedo”.
Pero ademais destas, Mondoñedo acolle tamén as feiras e festas das San Lucas, as máis antigas de Galicia, para as que o Goberno local traballa co obxectivo de acadar a súa distinción a nivel nacional. A cidade episcopal tamén é o centro doutras recoñecidas celebracións coma, por exemplo, as feiras e festas das Quendas, que dan inicio ás celebracións da primavera.
“Son moitos os valores históricos, culturais, gastronómicos da nosa cidade aos que temos que sumar tamén a artesanía local”, defende a alcaldesa en relación aos produtos e servizos deste destino que ademais foi declarado un dos Pobos máis Bonitos de España.
Visita de tour-operadores
Elena Candia asegura que “estamos a traballar tamén, de cara á divulgación de produtos e servizos, na visita de tour-operadores para que coñezan in situ a nosa cidade, o casco histórico e a catedral; ademais doutros recursos turísticos como poden ser a Cova do Rei Cintolo, o Camiño de Santiago ou o Museo de Álvaro Cunqueiro recentemente posto en marcha”. Despois de ter recibido bloggers e periodistas especializados, “pretendemos seguir en contacto coas axencias de turismo”, engade a rexedora.
Para participar, só é preciso realizar unha compra igual ou superior a 10 euros e rexistrar o tícket na web 
Trátasde dunha adaptación da novela de Neira Vilas no décimo aniversario da súa morte, dirixida por Cándido Pazó. 20.30 horas.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Solicítase á veciñanza que retire os vehículos estacionados nesta zona durante a mañá do martes, co fin de facilitar o desenvolvemento dos traballos. A Policía Local colocou o luns a sinalización informativa correspondente. Durante as actuacións poderán producirse cortes puntuais de circulación, procurando facilitar o acceso aos garaxes da zona. A duración dos traballos dependerá das condicións meteorolóxicas e da súa evolución. O Concello de Viveiro agradece a colaboración da veciñanza e desculpa as molestias que se poidan ocasionar.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
