NOTA DE PRENSA
O BNG LÉMBRALLE AO PP QUE NON FOI A OPOSICIÓN QUEN DENUNCIOU IRREGULARIDADES CONTABLES EN CERVO SENÓN O PROPIO TRIBUNAL DE CONTAS
Os nacionalistas satisfeitos pola resolución de Contas piden ao alcalde que non trate de confundir e que tome nota para o futuro
O BNG non usou nunca os xulgados para atacar ao PP como así fixo este partido o día antes das pasadas eleccións municipais cos nacionalistas
Cervo, 12 de marzo de 2010. O BNG saíu ao paso das declaracións do goberno local en relación á resolución do Tribunal de Contas pola investigación aberta por este organismo das contas 2002 e 2003 do concello de Cervo. Para os nacionalistas e positivo para a imaxe do concello de Cervo que o Tribunal de Contas resolva a inexistencia de responsabilidades contables por parte do goberno local, aínda así, dende o BNG piden ao alcalde que tome nota para evitar o bochorno público de ver como os órganos fiscalizadores da facenda pública abren investigacións para aclarar sospeitas sobre irregularidades contables. O BNG lembra que esta investigación foi aberta de oficio e non por denuncias da oposición municipal, e que ao contrario do sucedido nas pasadas eleccións municipais nas que o goberno local non tivo reparos en denunciar polo penal ao BNG un día antes das eleccións para despois retirarse, o BNG nunca chegou a xudicializar o debate político para fins electorais.
Os nacionalistas ven positivo para a imaxe do concello o arquivo da causa aberta polo Tribunal de Contas e piden ao alcalde que tome nota para o futuro
O BNG considerou positivo para a imaxe municipal a resolución do Tribunal de Contas que determina a inexistencia de probas sobre irregularidades contables na fiscalización realizada de oficio sobre a contabilidade municipal nos anos 2002 e 2003. Para o portavoz municipal nacionalista, Xoán Antón Estúa, sería bo que o alcalde tomara boa nota para que esta situación non se repita, “foi bochornoso ver como funcionarios do organismo contábel poñían patas arriba durante varios días as dependencias municipais”. O nacionalista lembra que recentemente isto volveu suceder por orde xudicial, incautándose arquivos e documentación nunha investigación por posíbel fraude contábel que aínda está aberta sen resolución.
Que o goberno local non trate de confundir xa que este proceso foi aberto de oficio e non por denuncias da oposición
Estúa aclarou que este procedemento foi aberto de oficio despois dunha investigación realizada no concello por funcionarios do Consello de Contas de Galiza que despois foi trasladada ao Tribunal de Contas, nunca por denuncias da oposición como parecen querer trasladar á opinión pública os membros do goberno local, e lóxico que dende a oposición municipal se informara á opinión pública do que sucedía, “forma parte da nosa responsabilidade de control do goberno”.
Os nacionalistas lembran que o PP utilizou o goberno local para denunciar polo penal ao BNG un día antes das eleccións municipais para despois retirar a denuncia
Xoán Estúa, deixou claro que o BNG nunca utilizou os xulgados para atacar ao goberno local, algo do que o PP non pode presumir. O nacionalista lembrou que nas pasadas eleccións municipais o PP utilizou o diñeiro dos cervenses para presentar unha denuncia polo penal contra o BNG un día antes dos comicios que aireou o día de reflexión e que posteriormente retirou sen dar ningunha explicación. Para Estúa este tipo de actuacións demostran a catadura moral de cada un.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
