Agora que volvemos a ter eleccións dentro de 300 dias, máis ou menos, quixera adicarlle con moito agarimo e algo de retranca un anaco do meu tempo aos políticos de A Mariña.
Se é vostede un abnegado concelleiro, un esforzado alcalde, un laborioso deputado provincial, en definitiva, se decidiu adicar o mellor do seu talento á cousa pública, parabén. Como dixen nalgunha ocasión, a política é o máis asombroso artefacto social, se exceptuamos as convencións de ufólogos e o Festival de Eurovisión.
Hai dous momentos craves na traxectoria política: Entrar e saír. Cando deixar a política?. Non é fácil responder a esta pregunta. En todo caso, se é vostede político e recoñécese en polo menos tres destas dez situacións, probablemente chegou o momento de ceder a substitución a novas caras.
Asiste a unha comida familiar, poñamos que o aniversario da avoa. Antes de empezar o segundo prato, un familiar lanza un comentario crítico sobre a xestión do goberno e vostede non só non toma nota, senón que reacciona iradamente.
Nunha reunión do seu partido, preséntanlle a un mozo emerxente, brillante, traballador e entregado. O primeiro pensamento que lle vén á cabeza é: “A ver se este vaime a acabar sacando o posto”.
Recentemente, dixo algo similar a isto: “O problema non é o que facemos, senón como o explicamos. Temos que saber comunicarnos mellor”.
No seu último discurso, dedicou máis tempo a defenderse de determinadas acusacións que a explicar o seu proxecto de goberno.
Ultimamente fala de vostede en terceira persoa. dixo algo así como “Este alcalde ten claro…” ou “este alcalde nunca tolerará”.
Nunha reunión de traballo, alguén presenta unha iniciativa innovadora e antes de que acabe vostede pensa: “Isto non vai funcionar, seguro”.
Utilizou un falso nick e escribiu un comentario nun blog dixital encomiando o traballo que fai e/ou criticando aos rivais.
Ultimamente, sempre chega tarde aos actos e vaise antes de que acaben.
Onte, pasou máis tempo na sede do seu partido, concello ou similares que na rúa.
Fai máis de dúas semanas que non lle explica un conto pola noite ao seu fillo, neto ou sobriño.
Reflexiona mariñan metido, daquela maneira, na política e dimite, xa sei que e un dos verbos menos utilizados no sector pero e o que hai.
Otero Regal
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
A entidade, coa colaboración da Vicepresidencia da Deputación, organizará nas próximas semanas a XIII exposición Tal como eramos (28 de agosto), a proxección do filme Antes de nós (3 de setembro) e a homenaxe polo XXII cabodano de Manuel María (6 de setembro). A área de Cultura provincial reforza así o seu apoio continuado ao Iescha, referente na conservación e difusión da cultura galega e chairega.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
