Lugo, 18 de xuño de 2019.- A Consellería de Educación, Universidade e Formación Profesional fixo entrega hoxe dos premios do concurso Lanzadeiras!, enmarcado no programa Eduemprende, que durante o presente curso involucrou a 1.442 alumnos e 171 profesores de doce centros educativos de secundaria da provincia de Lugo.
O delegado territorial da Xunta, José Manuel Balseiro, asistiu no Centro Integrado de Formación Profesional (CIFP) Politécnico de Lugo á cerimonia de clausura do proxecto “Miniempresas Lugo 2019” e á entrega dos premios do concurso, co que colaboran o xornal El Progreso e a empresa Alcoa.
O primeiro premio foi para o proxecto “Rede activa Vilalba”, ideado polo alumnado de primeiro do ciclo medio de Atención a persoas en situación de dependencia do Instituto de Educación Secundaria (IES) Lois Peña Novo de Vilalba e que consistía nunha empresa dedicada ao servizo de atención a persoas usuarias do centro ocupacional da localidade.
O segundo premio recaeu na miniempresa “Vesmemais” que proxectaron os alumnos de primeiro e segundo do ciclo formativo básico de Electricidade e electrónica do CIFP Politécnico de Lugo, centrada na investigación, deseño e fabricación de dispositivos que aumenten a visibilidade dos ciclistas e a súa seguridade.
O terceiro premio foi a parar ao IES San Rosendo de Mondoñedo, para os alumnos de primeiro curso do ciclo formativo de grao medio de Xardinaría e Floraría e do ciclo formativo de grao superior de Xestión Forestal e do Medio Natural, cunha miniempresa dedicada á venda de plantas aromáticas, de produtos obtidos delas con fins biosaudables, culinarios ou cosméticos, e de fragrancias e fitosanitarios.
Concedéronse tamén dous accésits, un para o IES María Sarmiento de Viveiro por proxectar una empresa de servizos para realizar recados e compras -no comercio local- para persoas que non poidan facelos por si mesmas, e o segundo para o Centro Público Integrado (CPI) de Navia de Suarna por un proxecto para elaborar produtos mediante procedementos ecolóxicos e con materiais reciclados.
No conxunto da provincia presentáronse 23 proxectos en distintas especialidades, elaborados polo alumnado co asesoramento dos docentes en cada materia. Os premios teñen dotación económica que achega a Fundación Alcoa, e oscilan entre os 500 euros para os accésits e os 2.000 euros para o primeiro premio.
O delegado territorial explicou que o plan de Emprendemento no Sistema Educativo de Galicia “é unha aposta clara e firme da Xunta pola implantación nos institutos galegos da cultura emprendedora, porque emprender é sinónimo de innovación, de mellora da competitividade das nosas empresas, de crecemento económico e da posibilidade de xerar máis e mellores oportunidades de emprego”.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
