Lugo, 18 de xullo, 2019. “Máis que ilusionarnos cun proxecto, o presidente da Deputación aproveitou o discurso para criticar ao compañeiro saínte”. Así o destaca a deputada do PP, Elena Candia, unha vez rematado o acto de constitución da nova Corporación provincial, asegurando que “dende o Grupo Popular traballaremos dende a responsabilidade, a coherencia e aproveitando a experiencia da man dun proxecto claro”. Nese senso, lamenta que “PSOE e BNG rexeitaran escoitar o proxecto de provincia que lles presentaba o Partido Popular, o partido máis votado polos lucenses e que ten un proxecto serio dirixido a mellorar a nosa provincia”.
Así mesmo, lembra que “a un día antes de constituírse a Deputación o que lles preocupaba era o reparto de sillóns tal e como puidemos comprobar onte a través dos medios, pero pouco coñecemos das prioridades que estableceron para a provincia e das necesidades que pensan atender. Parece que o único que pretenden é ter unha arma política contra a Xunta gobernada polo PP”, engade.
“O presidente do partido co peor resultado”
Elena Candia manifesta así que “a Deputación conta dende hoxe cun presidente do partido que obtivo o peor resultado dende o 2007 e, polo tanto, que conta con menos respaldo das urnas”. Nese sentido, cre que “é o presidente más débil e con peores formas. Non en van, o seu valedor, o presidente da xestora dos socialistas na nosa provincia, está sendo cuestionado incluso por un dos seus propios deputados que asegura ter probas na súa contra”.
“O PSOE ten menos deputados na que nos pasados mandatos e chega á presidencia da institución provincial grazas a un acordo co BNG a costa, probablemente, de prezos que non coñecemos”, insiste.
Compromiso de traballo pola provincia
Con todo, os populares felicitan ao presidente e amósanlle “o noso respecto institucional” manifestando que “o Grupo Popular traballará dende o compromiso coa provincia”.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
