Lugo, 12 de setembro, 2019. O Partido Popular de Lugo pide ás forzas políticas da oposición que non intenten desvirtuar, nin restar valor, ao maior esforzo inversor feito por un Goberno en décadas na mellora dos centros educativos da provincia.
Lembran que a Xunta de Galicia está a renovar integramente sete colexios cunha achega que supera os seis millóns de euros, aos que hai que engadir a construción do novo colexio Sagrado Corazón en Lugo (4,3M€) e as obras menores executadas este verán en noventa centros educativos máis, que elevan o investimento no conxunto da provincia por riba dos 12 millóns de euros.
Desde o Partido Popular salientan que dada a gran envergadura e o volume de obra feito nos últimos meses é perfectamente lóxico que algunhas requiran máis tempo, pero que están seguros que unha vez finalizadas todas as remodelacións suporán un gran salto de calidade nestes centros, do que se beneficiarán directamente ás comunidades escolares.
Máximas condicións de seguridade
Os populares son conscientes de que como toda obra, sobre todo as de reforma integral pola súa complexidade, poden causar incomodidades naquelas localidades nas que hai traballos pendentes, pero insisten en que todas as actuacións foron programadas e planificadas para que sexan mínimas as molestias e, sobre todo, están a levarse a cabo en condicións de seguridade.
Nese senso, e pensando especialmente nos colexios nos que se teñen rexistrado protestas, insisten en facer un chamamento á tranquilidade e á confianza, porque tanto as propias empresas construtoras, como os equipos directivos dos centros, e a unidade técnica da Xunta, están vixiantes e supervisan que as instalacións sexan seguras e que as zonas de docencia, na que se desenvolve a actividade escolar, estean operativas con totais garantías. De feito, os traballos de reforma se realizan fóra da xornada laboral.
Partidismo do malo
Por outra banda, os populares lamentan que as forzas políticas da oposición aproveiten estas circunstancias para facer partidismo do malo, cando a realidade é que a propia Xunta é a primeira interesada en que os centros educativos ganen en calidade, comodidade e confort, e por iso programou e inviste recursos nestas melloras. Reprochan tamén o indisimulado intento de algúns partidos da oposición e sindicatos afíns por teledirixir ás protestas de nais e país e xerar confusión, pero están convencidos de que de seguir actuando así se lles volverá en contra, porque as nais e pais non se deixarán manipular.
Desde o PP lembra que, en anos anteriores, as obras de reforma integral chegaron incluso a desenvolverse en pleno curso escolar, convivindo coa actividade lectiva, como aconteceu, por exemplo, no colexio Rosalía de Castro da cidade de Lugo, onde os traballos tiveron lugar entre os meses de setembro e xaneiro, sen interferir lonxe das lóxicas molestias, na actividade ordinaria do centro. Valoran polo tanto, que a Xunta decidise nesta ocasión acometer os traballos de maior envergadura no verán, pero insisten en que o remate destas obras é compatible coa actividade escolar, porque se desenvolve con totais garantías de seguridade.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
