Burela, a 14 de setembro de 2019.- O PP de Burela denuncia o “pasotismo” do alcalde en funcións ante o inicio do curso escolar 2019-2020. “Mentres que se pode apreciar que a Xunta de Galicia está a facer inversións en Burela – no CEIP Virxe do Carme, no CEIP Vista Alegre ou no IES Monte Castelo-, o que se ve por parte do alcalde en funcións é que non se preocupa de arranxar aquilo que é competencia municipal”.
Deste xeito, “os pais e nais dos pequenos que acoden á Escola Infantil e ao CEIP Vista Alegre, poden ver como o cerramento que divide ámbolos dous centros, se atopa nun estado de total deficiencia. Tal é así que tanto o PP de Burela como a Delegación de Educación lle advertiron hai meses que se tiña que corrixir esta situación pola propia seguridade dos pequenos”, recordan.
O Grupo Municipal Popular burelés volveu a insistir nesta situación no pleno extraordinario do pasado mércores; pero, segundo o alcalde, “isto non corre moita presa”, tal e como manifestou porque “o asunto non é para tanto”.
Outra situación que demostra o total “pasotismo” do alcalde en funcións, Alfredo Llano, é a situación que está a sufrir o IES Monte Castelo co abastecemento de auga. “Se ben é certo que o instituto ten auga, esta depende da boa vontade do IES Perdouro, que lle permitiu a súa conexión provisional debido a unha actuación provisional que houbo que facer no centro hai uns meses e que impedía a súa subministración dende a rede xeral. Esta actuación xa hai tempo que rematou e o IES Monte Castelo non ten conexión de auga na rede xeral debido á pasividade máis absoluta do Sr. Llano que xa se acomoda a isto de traballar a ralentí. E mentres, o IES Perdouro estalle a pagar o consumo de auga ao centro veciño”, indican os populares.
“Trátase de situacións bastante peculiares e, sobre todo, demostrativas do pouco afán polo traballo que ten o alcalde en funcións e da ineficacia deste Goberno que non pode esconderse ante as súas obrigas en materia de conservación dos centros educativos debido ao pacto firmado no seu día entre os concellos e a Xunta de Galicia”, conclúen dende o PP de Burela.
O PP de Burela denuncia o “pasotismo” do alcalde en funcións ante o inicio do curso escolar
Relacionado
-
O PP advirte de “facturas sorpresa do Goberno a Concellos lucenses por obras da CHMS tras cambiar as regras do xogo a posteriori”
-
A Deputación reivindica o seu compromiso coa rede pública de residencias fronte á “falta de resposta da Xunta”
-
O PP critica que Vilalba recorra a policías de Burela e As Pontes durante as festas por falta de efectivos
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
