Santiago, 9 de outubro de 2019. O Pleno do Parlamento de Galicia aprobou hoxe por unanimidade, a instancias do Grupo Popular, unha proposición non de lei a través da que se solicita ao Goberno central que realice todas as accións necesarias encamiñadas a garantir os centros produtivos e os postos de traballo das factorías de Alcoa en San Cibrao, así como garantir un marco enerxético estable e competitivo, aprobando, de xeito inmediato, o estatuto de apoio ás empresas electrointensivas, no que se incorporen as alegacións presentadas en conxunto pola Xunta de Galicia e as compañías galegas.
O deputado popular Daniel Vega salientou que “as factorías Alcoa en San Cibrao teñen un carácter estratéxico por canto constitúen o principal motor económico e laboral da Mariña lucense e un dos máis importantes da nosa provincia, onde incluso representa o 30 por cento do seu produto interior bruto”. Ademais, lembrou que “estamos a falar da principal fonte de emprego directo para máis de 1.100 familias, ás que se engaden os 5.000 postos de traballo indirectos”.
ELEVADÍSIMO INCREMENTO DO PREZO DA ELECTRICIDADE
“A factura eléctrica representa un dos gastos máis importantes da conta de explotación desta factoría e os elevadísimos incrementos do prezo que están a ter lugar nos últimos meses poñen en risco a viabilidade e futuro deste complexo industrial, sen que o Goberno central adopte as medidas ás que se comprometeu, entre elas, a aprobación do Real Decreto que incorpora o estatuto de consumidores electrointensivos”, lamentou Daniel Vega.
En concreto, apuntou que esta ferramenta “debe establecer unha combinación de medidas que protexan a competitividade das empresas das compañías altamente dependentes da enerxía abaratando o custo final do subministro, unha variable especialmente necesaria para empresas que compiten nun mercado global”. Vega explicou que “neste momento o prezo da electricidade en España é moi caro, moito máis elevado que noutros países competidores directos como Alemaña ou Francia: está fixado en 50 euros o megavatio, un prezo inviable para que Alcoa se manteña, xa que por enriba dos 40 euros a empresa corre graves riscos de peche”.
SEN POLÍTICA INDUSTRIAL NIN ENERXÉTICA
“A actuación deste Goberno socialista e a realidade dos feitos demostran que España nin ten política industrial nin ten política enerxética, con consecuencias imprevisibles para Galicia e para miles de traballadores”, indicou o deputado popular, quen subliñou que “os galegos e galegas, tampouco a veciñanza da Mariña e da provincia de Lugo, merecemos un Goberno central que se dedica a cortocircuitar o futuro industrial de Galicia”.
O deputado popular demandou que o Goberno central “faga público o proxecto de estatuto para as empresas electrointensivas, porque deixar o prezo do megavatio por enriba dos 40 euros fará inviable o mantemento de Alcoa en San Cibrao”.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
