Burela, 10 de outubro, 2019. O Pescados Rubén cumpriu expediente na estrea da XIV Copa Galicia impoñéndose a un Valdetires Ferrol FSF (9-1), que saltou a Vista Alegre con escasez de efectivos e que ademais tivo que tirar de coraxe e valor fronte ás Guerreiras coa lesión da porteira xa nos primeiros minutos. A pesar diso as ferrolás aguantaron o tipo na primeira parte.
Avisou Peque, quedando soa no minuto 4 fronte a Sara e estrelando o esférico contra o pau. No 6, a meta ferrolá evitou coa man a tentativa de Cilene e viuse obrigada a retirarse con molestias nun ombreiro; asumiu entón a defensa da rede Sheila e quedou sen rotacións o conxunto visitante. Luci retomou a avalancha batendo coa 2 ferrolá por arriba no 7, tentárono segundos despois Ale de Paz e Jenny Lores no rexeitamento. Resistiuse a portería; de novo a galopada da 21 laranxa foise alta. Jane e Cilene tampouco tiveron fortuna nos últimos metros e, contra todo prognóstico, foi o Valdetires o que inaugurou o marcador, no minuto 12, en contragolpe de Diana, que chegou soa ante Jozi, tras un erro de pase das burelistas na cancha rival. Peque aliouse por fin coa afinación e recuperou as táboas no 14, a pase de Cilene. Bea Mateos ampliou no 16, aproveitando un rexeite. Antes do descanso, Sheila aínda interveu nun par de ocasións máis.
Cilene y Jenny ampliaron a fenda no comezo do segundo acto para atar o triunfo. Dany selou o quinto laranxa, no 32, con Paula baixo paus. Jenny e Lara Balseiro cobraron protagonismo goleador no 35 e 36; o entendemento entre a 9 e a 10 mariñás subiu o oitavo, no 39. A internacional lusa completou a clara vitoria a 45 segundos do final.
Ficha técnica
Pescados Rubén Burela FS: Jozi, Cilene, Peque, Jenny, Bea Mateos, cinco inicial; tamén xogaron Dany, Ale de Paz, Luci, Jenny Lores, Jane, Lara Balseiro, Ana Romero
Valdetires Ferrol FSF: Sara Martínez, Sheila, Sara Crespo, Ainhoa, Paula, cinco inicial; tamén xogaron Diana
Goles: 0-1, minuto 12, Diana; 1-1, minuto 14, Peque; 2-1, minuto 16, Bea Mateos; 3-1, minuto 23, Cilene; 4-1, minuto 24, Jenny Lores; 5-1, minuto 32, Dany; 6-1, minuto 35, Jenny; 7-1, minuto 36, Lara Balseiro; 8-1, minuto 39, Jenny; 9-1, minuto 40, Jenny
Árbitros: Menéndez Nistal // Goyos López (A Mariña).
Incidencias: Partido correspondente á fase de grupos da XIV Copa Galicia disputado en Vista Alegre
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
