Foz, 8 de novembro de 2019. O Concello de Foz súmase por primeira vez á campaña En negro contra as violencias despois de ser aprobado por unanimidade no pleno da corporación municipal. E hoxe, venres, rematan os tres días de loito oficial pola tráxica morte da veciña Minaene Franco.
A concelleira de Muller, Igualdade e Inmigración, Verónica Peña, explica que “desde o Concello de Foz tíñamos claro que íamos sumarnos a esta campaña por toda a problemática e a violencia que hai. Por desgraza esta semana en Foz levamos tres días de loito precisamente por esta problemática da violencia de xénero; e xa non é que nos toque a nós de cheo por desgraza agora senón que estamos vendo que semana tras semana, día tras día, as mulleres son agredidas e queremos que todas as mulleres saiban que no noso Concello están apoiadas, que poden vir a nós, contarnos os seus problemas e se podemos axudar imos apoialas e vanse sentir arroupadas por nós. Por iso por primeira vez,desde este Concello imos sumarnos o 25 de novembro a esta campaña e imos facer uns actos para que a xente vexa que estamos aí, que estamos loitando contra esta problemática”.
Verónica Peña engade: “cremos que a xuventude tense que decatar desta problemática, que non é soamente do resto de España e do mundo senón que aquí tamén nos toca e pode pasar en calquera momento, como se está vendo. Por iso un dos actos que imos facer é unhas charlas no instituto para os adolescentes, e que poidan facer todas as preguntas e dúbidas que teñan”.
A concelleira de Muller focense destaca que “a iniciativa foi aprobada por todos os grupos políticos da corporación municipal porque isto non ter cor política, pódenos pasar a calquera, dá igual cales sexan as opinións políticas, por desgraza calquera persoa pode sufrir esta lacra. Polo tanto agradézolles a todos os grupos políticos que se sumaran a esta convocatoria e aínda que é a primeira vez que se vai facer neste Concello esta vez todos os grupos políticos apoiaron a moción. Quero dar moitas grazas a todos, espero que todo o mundo nos apoie, vaia a todos os actos que prepararemos para este día. E calquera persoa que se sinta con algún problema ten que saber que está arroupada, que pode vir a xunto de nós e que vai estar apoiada polo Concello”.
O Concello de Foz súmase á campaña En negro contra as Violencias por primeira vez. Por outra banda, este venres rematan os tres días de loito oficial pola morte da veciña Minaene Franco
Relacionado
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
