O Valadouro, 6 de decembro de 2019. Ante a difusión de falsidades e terxiversacións levada a cabo polo alcade do Valadouro a través de medios de comunicación, mensaxes telefónicas e mesmo bandos municipais, o Grupo Municipal do BNG vese na obriga de informar á cidadanía e puntualizar os motivos polos que somos críticos con determinados asuntos:
-A recollida do lixo empeorou notablemente no noso concello e faise precisa unha remodelación deste servizo, retornando á xestión municipal como garante de óptima xerencia.
-Consideramos que os medios: DOUS OPERARIOS E UN ÚNICO CAMIÓN, resultan insuficientes para a correcta recollida de residuos nos dous concellos do val (Alfoz e O Valadouro).
-Mentres no municipio de Alfoz se efectúa correctamente a recollida selectiva de lixo, nas parroquias rurais do Valadouro carecemos de tal servizo.
-A subvención do canon eólico xa existía antes do convenio con Alfoz, non é unha novidade como se pretende facer ver.
-A subvención correspondente a 2019 XA ESTÁ COBRADA por parte do concello, e respecto da subvención do próximo ano, debemos matizar que aínda se descoñecen os seus pormenores, polo tanto, as súas condicións poden ser diferentes das actuais.
-Respecto á cooperación co concello veciño, debemos salientar que o BNG foi o primeiro en propoñer amplos marcos de colaboración con Alfoz; sempre e cando, as iniciativas comúns beneficien aos dous concellos. En ningún caso apoiaremos propostas que vaian en prexuízo dalgún dos dous municipios.
-Non entendemos o motivo polo que o alcalde defende tanto este concreto convenio con Alfoz, e en cambio, votou a favor de disolver a MANCOMUNIDADE RÍO OURO, un ente administrativo que pugnaba por mancomunar servizos e unir esforzos entre O Valadouro e Alfoz.
-Parécenos totalmente reprobable que o alcalde faga uso dun BANDO MUNICIPAL para facer política partidista, pois, como todos sabemos, os bandos son documentos públicos indicados para o anuncio de normativas, convocatorias ou alertas.
Eduardo Chao González
Portavoz do Grupo Municipal do BNG
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
