A PONTENOVA .- 477 veciños da zona de A Pontenova recibiron os títulos de propiedade da concentración parcelaria de Conforto, acto ao que asistiu a delegada territorial da Xunta, Raquel Arias, acompañada polo director xeral de Desenvolvemento Rural, Antonio Crespo.
Nota de Prensa
ARIAS ENTREGA OS TÍTULOS DE PROPIEDADE DA CONCENTRACIÓN PARCELARIA DE CONFORTO, QUE ATINXE A 477 VECIÑOS DA ZONA DA PONTENOVA
* A delegada territorial da Xunta destacou que a conclusión do proceso facilitará a “optimización de recursos no ámbito rural” do municipio mariñano
* O procedemento supuxo un investimento de máis de 2 millóns de euros e as 9.408 parcelas que ocupaban as 1.914 hectáreas de terreo quedan reducidas a 1.638
A Pontenova, 7 de abril de 2010.- A delegada territorial da Xunta, Raquel Arias, acompañada polo director xeral de Desenvolvemento Rural, Antonio Crespo, participou hoxe no acto de entrega dos títulos de propiedade co que culmina o proceso de concentración parcelaria levado a cabo na localidade de Conforto, no concello da Pontenova.
A delegada destacou a importancia desta iniciativa, que atinxe a 477 veciños, supuxo un investimento de 2.073.534 euros e iniciouse oficialmente hai 25 anos. Ao respecto, Arias explicou que “non foi ata o 2001 cando se presentou o proxecto modificado que serviu de base real á actuación, logo de ter realizado unha profunda revisión da documentación do expediente”.
A concentración parcelaria de Conforto, que foi decretada no ano 1985 afecta a unha superficie de 1.914 hectáreas de extensión, reducindo a 1.638 fincas as 9.482 parcelas que antes se diseminaban polo territorio afectado. “Deste xeito, a superficie media das leiras resultantes quintuplica o tamaño das precedentes e achégase aos 11.100 metros cadrados”, segundo concretou Antonio Crespo.
A delegada territorial subliñou que o proceso de concentración redunda nunha mellor capacidade de aproveitamento da terra, “e este remata precisamente cando atravesamos tempos de incerteza económica que fan máis preciso que nunca optimizar os recursos ó máximo”.
Arias afirmou que Galicia debe apostar “por un modelo de desenvolvemento sustentable e de crecemento equilibrado de todo o territorio galego”. Neste sentido, o director xeral de Desenvolvemento Rural fixo alusión “as actuacións completadas, como esta da Pontenova, que permiten levar a cabo no medio rural proxectos con mellores posibilidades”.
“A administracións deben incrementar e mellorar os servizos e infraestruturas nos concellos rurais e apoiar as iniciativas dos emprendedores”, indicou Arias, quen expresou a súa confianza en que “a organización racional do solo que supuxo esta concentración sexa un mecanismo dinamizador para a economía local”.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
