A Confederación Hidrográfica do Cantábrico (CHC) escúdase na falta de orzamento para non cumprir co seu deber de manter limpo o río Eo, unha necesidade que require dunha resposta urxente. Como veciño da Mariña, dun dos concellos bañados por este río, non podo evitar preocuparme ante o risco que supón o actual estado do río que en algunhas zonas acumula maleza e árbores. Todos vemos que isto, en caso de riadas, pode xerar problemas graves nos municipios da parte baixa do río que na marxe lucense son, principalmente, os da Pontenova e Trabada.
Ante esta situación, gustaríame coñecer o qué oculta a CHC porque está claro que está a mentir sobre a xestión -ou mellor dito, a falta de xestión- da limpeza do río Eo. Non se pode entender que o organismo dependente do Goberno do Estado estea a botar balóns fóra e manteña nun lamentable estado a canle do río cando hai orzamentos en vigor, os Presupostos Xerais do Estado do 2018 que aprobou o Goberno de Rajoy. Permitídeme que dubide que para os vindeiros exercicios un Goberno en minoría poda garantir un orzamento suficiente para a súa limpeza e axeitado mantemento.
Sexa como sexa, a limpeza do río Eo é un asunto que require actuar con urxencia para evitar problemas nas zonas próximas á súa canle e, principalmente, nos municipios da parte lucense do río que, ao pertencer á súa parte baixa, sufrirían as maiores consecuencias en caso dun aumento das chuvias e do incremento do seu caudal debido á súa falta de limpeza.
Precisamente por tratarse dun tema desta magnitude e importancia, creo que a limpeza do río Eo non pode depender dun Goberno de coalición que, aínda así, se atopa en minoría. Esta situación dificulta a posta en marcha dos orzamentos, o principal instrumento para garantir unha acción de Goberno que, na actualidade, é totalmente cuestionable e, como tal, afectará a toda España e tamén aos veciños e veciñas da Mariña.
Daniel Vega, deputado do PP no Parlamento de Galicia
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
