Burela, 16 de xaneiro de 2020.- “Que o PP de Burela é o único partido que está a traballar por e para os veciños de Burela é xa un feito irrefutable”, segundo manifestan os populares. Nesta ocasión, destacan que o Grupo Popular presenta unha iniciativa no Parlamento de Galicia para evitar o desmantelamento de FEVE na nosa vila e no resto da comarca.
Así o explican os concelleiros populares, Manuel Rouco e Yovana Oroza, tras manter unha reunión co parlamentario autonómico, Daniel Vega. Os populares puideron comprobar in situ, con gran sorpresa, que “a comezos desta semana os usuarios do tren non contaban co servizo de venda de billetes de forma presencial na única estación intermodal de toda A Mariña; pero, ademais, a máquina expendedora que, en teoría, tiña que estar en servizo, contaba cun cartel que convidaba aos usuarios a mercar os mesmos no propio tren”.
Segundo as últimas noticias recibidas, explican os populares, “o Goberno Central rectifica, cando menos ata finais de marzo, para volver a habilitar a venda directa de billetes de tren na estación intermodal de Burela. Unha boa nova para a vila, a medias, entre tanto sen sentido”.
O binomio PSOE-BNG mantén a parálise institucional de Burela
Os concelleiros bureleses do PP engaden, por outra banda, que o “binomio PSOE-BNG continua coa parálise institucional de Burela a conta dos seus sospeitosos intereses persoais, os cales, intencionadamente, se están encargando de ocultar aos veciños e veciñas de Burela”, segundo consideran.
Dende o PP de Burela pregúntanse “que é o que teñen que ocultar e se a súa falta de entendemento será porque hai moi poucas cadeiras con dedicacións para tanto concelleiro interesado destas dúas formacións. Parece que o único que lles importa é isto e non o ben común dos bureleses e das burelesas”, subliñan dende o PP.
Nese sentido, os edís populares critican que “levan meses, supostamente, negociando; e, polo tanto, alongando a parálise institucional da vila de Burela, tratando de arranxar no tempo de desconto esas loitas de poder interesadas que o único que fan é prexudicar os intereses dos veciños e veciñas do noso pobo”.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
