Xermade, 4 de marzo de 2020.- O conselleiro de Economía, Emprego e Industria, Francisco Conde, participou hoxe nos actos organizados no parque eólico de Sotavento con motivo do Día da Eficiencia Enerxética, que se conmemora mañá. Na visita acompañou a alumnos e alumnas de 3º da ESO do IES Urbano Lugrís (Malpica de Bergantiños) e do Máster de Aproveitamento e Eficiencia Enerxética da Universidade da Coruña.
Conde destacou a importancia de concienciar e sensibilizar á cidadanía na eficiencia enerxética como unha aposta polo desenvolvemento da vida diaria das familias e do tecido empresarial. “Administración, cidadáns e empresas temos que traballar conxuntamente para impulsar iniciativas que nos encamiñen a unha Galicia máis verde que asegure máis aforro enerxético e un maior benestar social”, sinalou o conselleiro.
Esta semana estanse abrindo liñas de axudas, valoradas en 4,5 millóns de euros, para que as familias poidan impulsar proxectos vinculados ás renovables. Estes novos apoios contemplan proxectos pertencentes aos eidos da biomasa, a enerxía solar fotovoltaica, a xeotermia, a solar térmica e a aerotermia. De momento, xa se esgotou o crédito para as solicitudes de biomasa e fotovoltaica.
Estas medidas coinciden coa publicación hoxe no DOG dos mecanismos que permiten a posta en marcha do rexistro do autoconsumo, que regula tanto o procedemento de comunicación de instalacións de autoconsumo conectadas en baixa tensión e potencia instalada menor de 100kW, como o procedemento de contestación das empresas distribuidoras. Estes procedementos contarán cunha xornada explicativa dirixida a distribuidoras e profesionais do sector, que se celebrará mañá no edificio administrativo de San Caetano.
O titular de Economía, Emprego e Industria subliñou o compromiso da Administración coas enerxías renovables, apelando ao tecido industrial para que adopten modelos que garantan tanto a súa competitividade como a súa sustentabilidade.
Deste xeito, Conde apuntou aos beneficios que supón apostar pola eficiencia enerxética, incluíndo melloras no rendemento industrial, aumento da renda nas familias e a preservación do medio ambiente, sinalando tamén que Galicia é un referente a nivel europeo, cun consumo final de enerxía renovable do 37,2%, por riba dos obxectivos marcados pola UE na denominada Axenda 2030.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
A clientela aproveita esta cita para facerse con artigos de tempada a prezos moi interesantes. É a segunda vez neste mes de agosto que se celebra o Comercio na Rúa en Ribadeo. Para a organización desta campaña Acisa conta coa colaboración do Concello de Ribadeo, Comercio Galego e Xunta de Galicia.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
