Foz, 9 de marzo, 2020. A proliferación das apostas, xunto cos seus efectos na poboación, representan un problema social. Algo que preocupa ao BNG de Foz e a moitos focegos de maneira especial, é a idade media de inicio entre a xente que acode a pedir axuda por ludopatía que xa é de 18 anos, o que significa que hai moitísimos mozos e mozas que comezaron a xogar sendo menores de idade. O xogo patolóxico é un trastorno que figura entre as adicións de tipo comportamental nas clasificacións médicas e psicolóxicas. Consiste na perda do control do comportamento en relación ao xogo que se caracteriza por ter graves consecuencias para as persoas como problemas académicos, laborais, económicos, sociais e/ou legais asociados ao xogo.
A Xunta de Galiza non cumpriu co compromiso de consensuar unha nova Lei do Xogo para afrontar este problema de saúde pública, que sigue en anteproxecto de proxecto. O BNG de Foz entende que debe contar na súa elaboración co consenso dos grupos políticos e tamén coas asociacións que traballan no ámbito da rehabilitación. O goberno do PP por boca do seu vicepresidente A Rueda foi quen de decir “Se ao sector do xogo vaille ben tamén lle irá á Xunta de Galicia e á sociedade xa que é unha importante fonte de ingresos”. Un despropósito pactado coa patronal das apostas da Galiza (AGEO). O PP e quen de facilitar todo o que cheire a negocio, desprezando aos expertos que salientan o enorme destrozo que a ludopatía pode xerar na mocidade. O aumento da publicidade televisiva referida a estas actividades utilizando como reclamo a personalidades con prestixio social, favorece o incremento de casos de adicción entre a xente moza, xa que percibe cómo persoas referenciais trasladan a imaxe de que estas actividades son algo positivo. As apostas non son un xogo, e sí son perigosas
O BNG de Foz acadou o acordo do pleno para instar ao Goberno autonómico da Xunta a consensuar unha nova Lei do Xogo para afrontar este problema de saúde pública que debe contar na súa elaboración co consenso dos grupos políticos e tamén coas asociacións que traballan no ámbito da rehabilitación. Tamén acordouse instar a Xunta de Galiza a que igual que acontece co gremio de tabacaleras ou farmacias, limite a apertura das casas de apostas físicas mediante o establecemento dun mínimo de metros de separación ou por núcleos de poboación, para frear así a súa expansión, limitando tamén a publicidade tanto en cartelería como no patrocinio de entidades deportivas que inflúen decisivamente na addicción na mocidade. O pleno do Concello posicionouse como Concello libre de Casas de apostas. De xeito que na medida das competencias municipais, se limite a posible instalación de Casas de Xogos de apostas no noso Concello que afectan á economía e poden causar ludopatía, especialmente pola cantidade de xente nova que cae nesta adicción.
O cambio resulta necesario porque a instalación das atraccións impide o paso dos camións de recollida por estes puntos. O contedor situado na Travesía Granxas trasladarase á avenida de Vilalba, mentres que o instalado na rúa Antonio Roca pasará á rúa Suasbarras. Ademais, o Concello reforzará a dotación de contedores no Campo da Festa e no Campo da Pascua, onde se colocarán máis unidades para atender o incremento de residuos previsto durante a celebración. Desde o Concello agradécese a comprensión á veciñanza polos cambios realizados e lémbrase a importancia de depositar os residuos nos contedores situados nas novas localizacións, co fin de facilitar o correcto funcionamento do servizo de recollida.
O alumnado de 2º curso das familias profesionais de Instalacións e Mantemento, Imaxe Persoal e Administración e Xestión remataron o curso e a súa formación en centros de traballo co que xa conseguiron a súa titulación como técnicos de grao medio ou grao superior para incorporarse ao mercado laboral. Desde o IES Perdouro, destácase o alto grao de empregabilidade destas ensinanzas e a importancia que para o ámbito laboral ten a incorporación destes profesionais, ao mesmo que lles trasladamos os parabéns pola súa recente titulación.
O festival terá lugar os próximos 1, 2, 3 e 4 de xullo na parroquia de Celeiro do concello costeiro, que volverá acoller este popular evento cultural centrado na música punk, metal e hardcore.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
