Foz, 16 de marzo de 2020. GESTAGUA garante a subministración de auga en calidade e cantidade á totalidade da poboación, para o que suspendeu todos os cortes por falta de pagamento e puxo en marcha un Plan de Continxencias.
Dada a crítica situación que vive o país é imprescindible, a xuízo de GESTAGUA, que todos os fogares teñan acceso á auga da billa, tanto polas garantías de potabilidade que ofrece como por ser unha das claves na prevención do contaxio, a través do lavado de mans con xabón.
Esta media forma parte do Plan do Continxencias que GESTAGUA aplicará en todas as súas explotacións, máis de medio centenar noutros tantos municipios, para garantir tanto a calidade do servizo que presta como a seguridade e a saúde de usuarios, clientes, empregados e colaboradores.
Así, vistas as medidas tomadas polo Goberno de España no Real Decreto polo que se declara o Estado de Alarma, GESTAGUA pecha ao público as oficinas comerciais para todo tipo de trámites, excepto aqueles para os que sexa estritamente necesaria a presenza física do abonado. En paralelo, poñerá ao dispor dos usuarios os números de teléfono e direccións de correo electrónico dispoñibles para a atención telefónica e/ou a petición de cita, instando a aprazar todos os trámites non urxentes.
Ademais, reduce todas as actividades realizadas na vía pública, mantendo unicamente as que resulten imprescindibles, e suspende todas as actividades de operación e mantemento que non se consideren críticas para a garantía na continuidade e calidade do servizo.
Como xa se avanzou, GESTAGUA suspende todos os cortes por falta de pagamento para garantir a auga da billa á totalidade da poboación; así como as lecturas de contadores (instando ao abonado a proporcionala a través das canles de atención ao público) ou as operacións de cobranza en metálico
nas oficinas.
Por outra banda, facilita nas súas oficinas o réxime de teletraballo e suspende viaxes de empregados fose do ámbito do seu centro de traballo, excepto os imprescindibles para a continuidade e calidade do servizo, sendo imprescindible a aprobación por parte a Dirección da área correspondente e da Dirección Xeral.
Quedan tamén canceladas todas as actividades formativas, salvo as xa programadas a distancia ou online, e as visitas a centros de traballo e instalacións, salvo as destinadas á subministración de produtos
esenciais para o servizo.
Para a implementación deste Plan de Continxencias sen que se resinta no máis mínimo a calidade do servizo, GESTAGUA conta con sistemas de telemando e telecontrol nas súas instalacións, que son agora mellores instrumentos para o control e a supervisión sen necesidade de desprazamentos nin de presenza.
Por último, GESTAGUA quere agradecer a comprensión de todos os seus abonados e usuarios, así como apelar á responsabilidade de toda a cidadanía para superar esta situación canto antes.
Teléfono de atención ao cliente: 982 132 422 (7:00 – 15:00)
Teléfono de avarías: 639 705 382, durante 24 horas.
Ademais, os usuarios poderán realizar as súas xestións a través da páxina
web: foz@gestagua.es.
Gestagua Foz garante auga en calidade e cantidade ao 100% de usuarios, suspendendo todos os cortes por falta de pagamentos e cun plan de continxencias
Relacionado
-
Cariño reforza a conciliación familiar cunha ampla oferta de actividades deportivas e culturais para o verán
-
O BNG de Viveiro presenta 32 alegacións e reclama manter a variante integrada na VAC Costa Norte
-
A Deputación reforza a seguridade viaria en Cervo coa limpeza de cunetas en cinco estradas provinciais
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
