NOTA DE PRENSA
As promesas baleiras do PP
Desde o BNG de Xove aseguraron estar agardando por “unha pouca modestia” dos populares nas súas actuacións públicas tras os múltiples incumprimentos das “promesiñas” políticas do PP, dado que non se pode terxiversar a información do xeito que están a facer e, así mesmo, un goberno municipal debería actuar con responsabilidade e sentido común. Os nacionalistas quixeron lembrar que “Marco fala de Xove e o equipo de goberno fala de Marco”, en referencia a que o Partido Popular de Xove non fai outra cousa que criticar o traballo ben feito do responsábel local do BNG, Marco López.
Na formación nacionalista enumeraron como exemplos de incumprimento do PP a nivel local: lograr que Xove sexa un referente en crecemento económico e industrial, a promesa de realizar unha auditoría de todo o Concello, a extensión da rede de saneamento a todas as parroquias, a apertura de novas rúas (en plural), a ampliación do Polígono de Camba, a creación do Cinto Industrial de Alcoa, a construción de vivendas de protección oficial para a xente nova, o desleixo coa Vía de Alta Capacidade, o anunciado Plan de Choque para combater os problemas laborais e de desemprego ou a incidencia no PXOM do Plan do Litoral e da Lei do Solo promovidas polo goberno “amigo” de Feijóo.
Nun ano de xestión do goberno do PP na Xunta: a economía galega caeu máis do 7 % do PIB, o paro subiu un 15 %, máis de cen pequenos negocios pechan cada mes, desapareceron un milleiro de explotacións gandeiras, subiuse o prezo dos libros de texto, perséguese o galego nas escolas, os servizos sociais privatízanse e aumentaron perigosamente as listaxes de espera da sanidade.
Os traballos, cun orzamento de case 190.000€, afectan aos catro primeiros quilómetros da vía. Habilitaranse desvíos alternativos, que estarán debidamente sinalizados.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
De 12:30 14:00 horas no CEIP Juan Rey farán actividades e demostracións. E de 18:00 a 21:00 horas na Praza do Concello haberá unha exposición estática e mini relevos. O Concello de Lourenzá destaca que é “unha oportunidade única para coñecer de preto o labor da Garda Real. Animámosvos a participar!”.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
