Ribadeo, a 2 de xuño de 2020. O Grupo Municipal do Partido Popular de Ribadeo demanda ao goberno local unha planificación para o arranxo das numerosas estradas municipais que se atopan nun estado intransitable, ocasionando así “un grave perigo” para usuarios e viandantes. Un exemplo, di Elena Sierra, “atopámolo na estrada do barrio de San Xulián, na parroquia de Villaframil, que enlaza coa de Folgosa, así como na súa paralela que une co barrio da Madanela”.
E é que segundo explica a edil popular, “non podemos permitir este abandono, xa que por ela pasa o bus escolar e incluso necesita varios puntos de luz tanto para veciños, como para os turistas, pois dá acceso aos apartamentos Casa Benito moi demandados na época estival”.
“O que pedimos é un plan serio de infraestruturas”, remarca a edil. Os populares fan esta petición porque é unha demanda reiterada dos veciños en todas as parroquias que visitan. “Estámolas visitando todas e sempre nos din que é preciso que o Concello mellore as vías”.
Desinterese do equipo de goberno
Esta situación evidencia, apunta Sierra, a que o desinterese do equipo de goberno é cada vez maior. “A parte de non desbrozalas, non as amaña. É, por este motivo, polo que lle pedimos aos responsables municipais que se poñan mans á obra –nunca mellor dito- e poñan en marcha un plan destinado ao acondicionamento dos nosos accesos. E non é que o pidamos só o Grupo Municipal do Partido Popular, é que o piden os veciños”, defende.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
