Lugo, a 22 de xullo de 2020. O grupo provincial do PP defenderá na próxima sesión plenaria da Deputación sendas propostas sobre outros tantos asuntos de importancia capital para a Mariña e para Monforte. O portavoz popular, Javier Castiñeira, explica: “Para A Mariña solicitamos un plan de reactivación e recuperación da imaxe desta comarca. Ao fío dos brotes de covid houbo autoridades que cometeron un grave erro e danaron severamente a imaxe da Mariña nun momento de gran relevancia para esta comarca como é o verán. Moitos turistas asustáronse coas desafortunadas declaracións electoralistas, tanto dalgún alcalde como do propio presidente da deputación. Tal como fixo a Xunta de Galicia, a Deputación debe ter un compromiso coa Mariña para reactivar a súa economía e recuperar a súa imaxe”.
En síntese, na moción popular proponse ao pleno acordar que a Deputación deseñe e execute un plan provincial urxente de reactivación económica e promoción da Mariña, que inclúa a recuperación da súa imaxe e, en particular, reforzala como destino turístico seguro; promoción turística intensiva e inversións, especialmente nos eidos turístico e das estradas, ámbitos nos que ten competencias o goberno provincial.
Por outro lado, Castiñeira sinala: “Outro tema gravísimo, que afecta á economía lucense, porque afecta ao turismo, é a perda de servizos ferroviarios no sur da provincia, concretamente en Monforte, cabeza de comarca da Ribeira Sacra, onde se perden 22 servizos dos 29 que se perden en Galicia, pola política de recortes do Goberno central. Non entendemos como se pode usar á covid como arma arreboladiza para tratar de eliminar servizos”. O portavoz popular expón: “Necesitamos o apoio unánime da provincia para que o Goberno central recapacite e devolva os servizos á máxima normalidade o antes posible. Entendemos que as políticas do Goberno socialista e de Podemos prexudican moitísimo á economía lucense; pasou con As Ponte, pasa con Alcoa e está pasando agora cos servizos ferroviarios”.
A moción popular inclúe os seguintes acordos. Por unha parte, esixir ao Ministerio de Transportes, Movilidad y Agenda Urbana que non utilice a situación derivada da covid-19 como escusa para incidir na discriminación ferroviaria que padece a nosa Comunidade, en xeral, e en especial, a zona sur da provincia de Lugo. A tal efecto, os populares propoñen demandar o restablecemento inmediato de todos os servizos de tren que foron suprimidos, nomeadamente, a restitución e mesmo ampliación de frecuencias entre Lugo-Monforte-Ourense e con outros puntos de España como Madrid e Barcelona, entre outros.
Os populares queren que a Deputación reclame o incremento do cadro de persoal de maquinistas e que se dote do persoal necesario aos servizos ferroviarios que se prestan nestas liñas, co obxectivo de ofrecer un transporte de tren de calidade aos usuarios. Igualmente, defenden que se retome o compromiso adquirido polo Goberno de Mariano Rajoy, sendo ministro Íñigo de la Serna, para a modernización da liña entre Lugo e Ourense que achegue aos cidadáns da provincia ás vantaxes da alta velocidade. A tal efecto, queren que sexa recuperada a programación de actuacións e o cronograma que deixou encamiñado o Goberno do Partido Popular para a modernización e redución dos tempos de viaxe, coa axilización da execución das variantes de Canaval e Oural e a electrificación e mellora das vías.
Javier Castiñeira avisa: “No PP non imos admitir o desmantelamento económico da provincia de Lugo. Por iso defenderemos estas dúas mocións que consideramos que son importantes e esperamos que sexan apoiadas unanimemente”.
A primeira sesión, de 11:00 a 12:30 h, contará cun autor asturiano destacado polo seu traballo arredor do mundo rural e da cultura campesiña. A actividade é aberta, participativa e gratuíta ata completar aforo.
A área de Deportes reforzará o seu respaldo ao club cunha subvención excepcional ligada á presenza neste torneo estatal. O vicepresidente Efrén Castro visitou este mércores o equipo en Castro Ribeiras de Lea para trasladarlles ánimo e destacar a importancia de competir a este nivel para dar visibilidade ao deporte feminino e avanzar na igualdade. Ademais deste apoio puntual, a Deputación financia de maneira estable a actividade do club cunha subvención nominativa de 70.000 euros, a principal achega institucional ao seu funcionamento.
A función está dirixida ao público adulto e a entrada será de balde, ata completar aforo. O evento conta coa colaboración do Concello. Unha nova oportunidade para gozar do teatro local e apoiar o traballo das compañías da comarca.
Estivo organizada polo Motoclub Os de Sempre, que reuniu este fin de semana a centos de participantes chegados de Galicia, Asturias, León e o Bierzo. O programa incluíu unha ruta nocturna en homenaxe aos moteros falecidos, ademais de momentos de convivencia en comidas e actuacións musicais dos grupos Primera Línea e Malditos Pendejos. Na entrega de trofeos participaron o alcalde de Ortigueira, Valentín Calvín, e a concelleira Isabel Rego.
Na presentación participaron o delegado territorial da Xunta, Javier Arias; o Deputado de Cooperación e Asistencia aos Concellos, Xosé María Arias e o deputado de Rural Daniel García, que puxeron en valor a tradición e o traballo das filloeiras. A organización prevé poñer á venda 18.000 filloas, incluíndo opcións sen glute, e o recinto feiral acollerá artesanía, música, obradoiros e a entrega dos premios do concurso escolar. O xornalista David Valverde Cabaleiro será o pregoeiro. A Vicepresidencia da Deputación colabora coa actuación de Nubeiro e cunha degustación de xamón de porco celta a través do programa Un Gusto de Rural. Arredor de 150 persoas participarán na organización ao longo da xornada.
A reorganización dos espazos —stands na Praza do Casino e presentacións no Cine Fantasio— foi clave para o éxito. A concelleira de Cultura, Patricia Rodríguez, destacou a boa acollida e a resposta do público, valorando moi positivamente o novo formato.
A concelleira de Cultura, Ana Cartelle, destacou que “es un privilegio para Ortigueira contar con una formación de la talla de Qvinta Essençia”, e subliñou que o concerto ofrece “una oportunidad única para disfrutar de una música que en su día fue la vanguardia de las cortes europeas”. O recital propón unha viaxe pola lírica e a música do Renacemento, con obras de Guerrero, Morales ou Vázquez e textos de Garcilaso, Boscán ou Lope de Vega.
