NOTA DE PRENSA:
A IRRESPONSABILIDADE E A PROPAGANDA PARTIDISTA ENTURBIARON OS ACTOS DE HOMENAXE A XUBILADOS E XUBILADAS CERVENSES
Os nacionalistas denuncian os discursos partidistas do alcalde e da Delegada Raquel Arias que converteron o acto institucional da festa dos xubilados cervenses nun mitin do PP
A preparación dos actos do día do xubilado no Pavillón da Veiga provocou o traslado durante unha semana do alumnado das Escolas Deportivas Municipais ao do Rivera Casás que non foi preparado para acoller estas actividades e presentaba un estado lamentábel.
Cervo, 5 de maio de 2010. O BNG fixo públicas as queixas de pais e nais do alumnado das Escolas Deportivas Municipais que recibiron unha carta na que se lles avisaba do traslado das actividades das escolas do pavillón publico de A Veiga ao do colexio Rivera Casás durante unha semana para preparar os actos do día do xubilado celebrado o pasado sábado. As queixas non se refiren ao traslado senón ao estado lamentábel do pavillón do Rivera Casás, coa pista chea de suciedade e cos vestiarios e duchas sen auga e inutilizables polos cheiros lixo que acumulaban.
O Pavillón Municipal de A Veiga substituído polo do Rivera Casás que non se limpou e se preparou para acoller ao alumnado das Escolas Deportivas.
Os nacionalistas recibiron queixas de pais e nais de alumnos das Escolas Deportivas Municipais que foron trasladados para realizar as súas actividades do Pavillón Municipal de A Veiga ao do Rivera Casás durante unha semana para preparar os actos da festa dos maiores, “nin as queixas dos pais, nin as do BNG van dirixidas ao traslado, senón ao estado do Pavillón do Rivera Casás que leva moitos anos sen ningún tipo de mantemento e nin foi limpado nin preparado para estas actividades”, sinalou Estúa. Segundo estas denuncias “a pista era unha esterqueira e os baños e vestiarios nin se puideron usar polos cheiros e o mal estado das instalacións que tampouco tiñan auga”. O mais grave desta situación e xa non e a primeira vez que sucede, pasou o mesmo para organización do encontro de palilleiras. Para o portavoz nacionalista esta e a forma habitual que ten o goberno local de xestionar os asuntos municipais, “improvisación e chapuza permanente”, nesta ocasión, “coa irresponsabilidade de meter a menores nunhas instalacións nesas condicións”.
O BNG pedirá explicacións ao goberno local polo trato dado ao alumnado das Escolas Deportivas
O BNG anunciou a petición de explicacións ao goberno local por este asunto, tendo en conta que xa era algo previsto xa que os pais e nais foron avisados por carta do traslado das actividades das Escolas Deportivas ao Rivera Casás durante unha semana, “durante a cal non se fixo nada por mellorar o estado sanitario da instalación”, Rematou Estúa.
Propaganda partidista e terxiversación dun acto institucional de homenaxe aos xubilados convertido nun mitin electoral
Os nacionalistas tamén se fan eco das queixas trasladadas por xubilados e xubiladas de Cervo asistentes ao xantar na súa homenaxe celebrado o pasado sábado. O portavoz municipal nacionalista, Xoán Estúa presente no xantar, denunciou que “e o segundo ano que o PP utiliza este acto institucional para dar un mitin político”, o ano pasado foi o Presidente Provincial do PP e este ano o discurso da Delegada Provincial que utilizou este acto para facer campaña partidista”. O alcalde pola súa banda comprometeu unha residencia da terceira Idade, “a mais importante da Mariña”, esquecendo que a xestión do BNG na Xunta deixou executada unha en Viveiro de grandes dimensións, “que o PP na Xunta foi incapaz de abrir en mais de un ano de goberno.”
Xunto a este grupo de alumnos e profesores estiveron o alcalde, Dani Vega, e a concelleira de Seguridade, Montse Seijo.
A edición incorpora como novidade a primeira inmersión da imaxe da Virxe no porto, prevista para o 11 de xullo. O Día do Carmen, o 16, manterá os actos máis emblemáticos, como a Misa Solemne, a Procesión Mariñeira e a descarga pirotécnica. O programa inclúe verbenas, concertos, actividades infantís, o Día do Bollo e o desfile de Cabezudos. O Concello e SofiTapia animan á participación nunhas festas que volverán converter a vila nun punto de encontro. Os actos no Auditorio Municipal serán de entrada libre ata completar aforo.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
Con este xesto simbólico, expresou a súa solidariedade co pobo venezolano, trasladando o seu apoio ás familias das persoas falecidas, feridas e afectadas por unha traxedia que continúa deixando un elevado número de vítimas e miles de damnificados.
