Ribadeo, 30 de xullo de 2020. O Concello de Ribadeo requírelle á Xunta de Galicia que, antes do 15 de agosto, se manifeste sobre a colaboración no financiamento do proxecto de arranxo e acondicionamento da estrada dos Garitos, proposta que foi levada ao pleno desta semana. O alcalde, Fernando Suárez, lembra que se trata dunha solicitude que deriva dunha moción presentada polo PP, aprobada por unanimidade en pleno, e que os traballos a executar son moi urxentes polo grave risco para a seguridade dos viandantes que supón o estado actual da vía.
O rexedor dixo que “foi interesante a proposta da alcaldía, que se someteu a debate no pleno ordinario pasado, para pedirlle á Xunta que conteste á maior celeridade se está en disposición de financiar ou ben de cofinanciar as obras de arranxo de acondicionamento da estrada dos Garitos, este vial paralelo á vía de Feve”.
Suárez Barcia lembrou que “a principios de ano aprobouse unha moción do Partido Popular precisamente para que o Concello amañase este vial e ao final todos os grupos, o PSOE e o BNG, acordamos solicitar da Xunta de Galicia axuda para facelo, e o caso é que desde febreiro a Xunta non deu palabra. Despois de enviarlle o acordo unánime do pleno, despois de enviarlle requirimentos formais, despois de consultarlles telefonicamente, non confirma nada de nada”.
O alcalde de Ribadeo subliñou que “este vial é moi usado sobre todo polo transporte pesado, adoece desde hai moitos anos dunha falta de reparación e de ampliación considerable, e hai que ter tamén en conta que o vial é titularidade do sistema ferroviario estatal, polo que desde o Concello estivemos traballando desde aquel entón sen descanso para alcanzar un acordo con Feve para que nos ceda os terreos deste vial para ter disposición plena deles e poder facer esta obra”.
Fernando Suárez engadiu que “resta agora o máis importante que son os cartos para facela, polo que queremos ver se a Xunta se queda só en predicar ou tamén vai dar trigo, aínda que sexa bastante tarde para atender as peticións do PP de Ribadeo de ter arranxado este vial neste ano, para o que deberíamos licitar xa as obras, cousa que non podemos mentres non teñamos garantida a financiación. Polo tanto o que lle queremos pedir, e o que todos acordamos unanimemente no pleno, é pedirlle encarecidamente á Xunta de Galicia que nos resposte antes do 15 de agosto para non incumprir o desexo do PP de Ribadeo, que quería que se fixeran estas obras neste ano. Pero, claro, as cousas sen cartos non poden ser”.
O Concello de Ribadeo requírelle á Xunta que, antes do 15 de agosto, se manifeste sobre a colaboración no proxecto de arranxo e acondicionamento da estrada dos Garitos
Relacionado
-
O PPdeG destaca as iniciativas de emprendemento desde o rural galego que poñen en valor o territorio
-
O PSdeG reclama ao alcalde de Abadín actuacións urxentes no campo de fútbol municipal
-
O BNG demanda a Rueda explicacións sobre “o incumprimento inaceptable” do prazo para limpar as faixas secundarias nos concellos de menos de 10.000 habitantes
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
