Ribadeo, 31 de xullo de 2020. A Concellaría de Economía, Turismo e Desenvolvemento Local organiza seis percorridos guiados polo seu patrimonio natural e cultural, que se desenvolverán durante os meses de agosto e setembro.
Segundo explican desde Turismo: “dende o punto de vista natural darase unha ampla visión do importante patrimonio xeolóxico presente ao longo de todo o litoral, que vai dende o conxunto de arcos rochosos máis importantes da península ata a maior estrutura xeolóxica da Mariña lucense”.
Deste xeito organízase a Xeoruta dos Pregues para descubrir o gran pregue que se estende dende a Ría de Foz á de Ribadeo e que terá lugar os días 11, 18 e 25 de agosto, e 1 e 10 de setembro, sendo o punto de encontro a área recreativa da Areosa (Piñeira). Trátase dunha das maiores estruturas xeolóxicas da Mariña lucense
Tamén se programa a Xeoruta dos Ollos para gozar dos tesouros xeolóxicos do treito litoral do fermoso pobo mariñeiro de Rinlo, que se desenvolverá os días 6, 13 e 27 de agosto e 8 de setembro. Neste caso o punto de encontro será a praza de Santa Catarina en Rinlo.
Ademais terá lugar a Xeoruta dos Arcos para explorar o conxunto dos arcos rochosos máis importantes da península ibérica, que se formou fai miles de anos e que continúa vivo na actualidade. Será os días 4 e 20 de agosto, 3 de setembro e 18, 19 e 20 de setembro (edición especial). O punto de encontro será na oficina de información turística da praia de As Catedrais.
En canto ao patrimonio cultural, haberá tres roteiros guiados para gozar do fascinante patrimonio cultural e etnográfico presente en múltiples recunchos da vila e do interior do concello. A primeira visita será ao Santuario de Nosa Señora das Virtudes para contemplar un magnífico conxunto de pinturas murais da época tardo-medieval, único en Galicia. Terá lugar os días 3, 10, 17, 24 e 31 de agosto e o punto de encontro será na Ponte de Arante.
Haberá outro roteiro para dar a coñecer o Ribadeo Indiano, época na que a vila viviu, nas últimas décadas do século XIX e as primeiras do XX, un momento de auxe económico, social e urbanístico, bonanza que se debeu en gran medida ao retorno de quen emigrara a América, os indianos. Celebrarase os días 5, 12, 19 e 26 de agosto, e o punto de encontro será na Oficina de Turismo de Ribadeo.
Finalmente haberá un percorrido polo Ribadeo Ilustrado ao estar declarado o centro histórico da vila Ben de Interese Cultural. Nel altérnanse casas de ricos fidalgos e comerciantes coas de mariñeiros e artesáns, sendo a construción máis antiga da vila a Capela da Atalaia do século XII. Este roteiro será os días 7, 14, 21 e 28 de agosto, e o punto de encontro situarase na Oficina de Turismo de Ribadeo.
Estas visitas, destinadas a todos os públicos, serán de balde, pero con prazas limitadas. As reservas poderanse facer na sección de Momentos na páxina web turismo.ribadeo.gal.
O Concello de Ribadeo completará esta oferta cultural, a partir do 3 de agosto, en colaboración co alumnado/traballador do obradoiro de emprego Ribadeo alén do Camiño, mostrando ao público os encantos artísticos do Santuario de Nosa Señora das Virtudes, un santuario moi venerado e visitado polos fieis debido á fama de milagrosa da súa virse. Este templo conserva un rico patrimonio en pinturas tardo-medievais.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
