Lugo, 7 de agosto. O programa Musiqueando 2020, aprobado este vernes en Xunta de Goberno, incorpora novidades para adaptar a convocatoria ás necesidades de concellos e asociacións, e para seguir sostendo a actividade cultural e formativa que se desenvolve arredor da música.
O programa, que pretende difundir a música tradicional e potenciar as festas populares, artéllase coa mesma dinámica doutros anos. A partir da publicación da convocatoria no Boletín Oficial da Provincia (BOPA), os grupos tradicionais, corais e bandas poderán acollerse a este programa da área de Cultura que, logo, ofrecerá ese catálogo de actuacións a concellos, asociacións e comisións de festa.
Este ano, a Vicepresidencia da Deputación farase cargo do importe total das actuaciónns. Asumirá polo tanto o 100 por cento do custo, fronte ao 80 por cento de convocatorias anteriores.
“A situación sanitaria está a dificultar a celebración das festas pero hai concellos e asociacións que están facendo un esforzo por manter a actividade cultural, con fórmulas novas, compatibles coas medidas de prevención de contaxios por coronavirus. Desde a Vicepresidencia, queremos recoñecer ese esforzo e apoialo correndo con todos os gastos das actuacións”, sinalou a vicepresidenta da Deputación, Maite Ferreiro.
Por outro lado, a convoatoria establece que, no caso de que as circunstancias sanitarias impidan celebrar as actuacións concertadas ao vivo, os grupos teñen a opción de facer unha gravación audiovisual que a área de Cultura difundirá a través das súas canles dixitais.
“Cremos que é importante que estes recursos cheguen aos grupos, corais e bandas xa que son fondos que logo empregan ao longo do ano en actividades culturais e formativas. Moitas das agrupacións que participan no programa, ademais de actuaren para o publico, dan clases de música e de baile”, explicou Maite Ferreiro.
“Nun ano atípico e difícil coma este, o nos principal obxectivo é seguir sostendo o tecido asociativo , para que cando todo volva á normalidade, a cultura de base recupere a súa forza. Son as asociacións as que, organizando eventos nos seus concellos, nas súas comarcas, garanten que as actividades cutlurais cheguen a todas os lugares e a todas as persoas”, concluíu Ferreiro
O pograma conta cun orzamento de 180.000 euros.
Requisitos de participación, contías e datas
Musiqueando esta aberto á participación de todos grupos de música tradicional, corais e bandas que teñen a súa residencia ou sede social na provincia. Os modelos de solicitude publicaranse o vindeiro martes 11 de agosto no BOPA, xunto as bases da convocatoria.
O importe das actuacións establécese en función do tipo de grupo e do número de integrantes, variando entre os 750 e os 2.500 euros. Os concellos e asociacións terán que programalas entre o 19 de setembro e o 29 de novembro.
O último mes do ano resérvase para tramitar os expedientes e xustificacións, co obxectivo de que os grupos reciban o pago das actuacións no menor tempo posible.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
