Viveiro, a 27 de agosto de 2020. Para interpretar debidamente ao goberno municipal de Viveiro é preciso coñecer a popular fábula do parto dos montes. Cando todos os síntomas anuncian unha decisión de gran calado, en vez do rato da fábula, sae unha fonte de conflitos e non a solución necesaria. Isto mesmo é o que ocorre coa ordenanza municipal de Convivencia, Limpeza e Residuos. Ninguén discute a necesidade dunha ordenanza que regule aspectos fundamentais da convivencia e do aseo urbano, pero, di o portavoz popular do PP, Óscar Rodríguez, “está claro que a ordenanza aprobada inicialmente só cos votos dos concelleiros que forman o goberno municipal non é nin de lonxe a que necesita Viveiro, porque en vez de axudar a resolver problemas o que vai facer é crealos”.
Os populares pediron hoxe, en rolda de prensa, a retirada da citada ordenanza na súa actual redacción. Queren que na súa elaboración se dea participación a todos os grupos municipais, para que sexa un documento consensuado e libre de todas as deficiencias que atopan nel. Sinalan que o período de presentación de alegacións abre aínda a posibilidade de modificar consensuadamente esta ordenanza, que, se reúne as condicións necesarias, será de gran importancia para Viveiro.
Os populares manterán proximamente unha reunión con asociacións de veciños para coñecer as súas propostas e darlles a coñecer cales son, ao seu xuízo, as deficiencias, numerosas e de gran importancia, que presenta o actual documento. Entre outros problemas, os concelleiros do PP din que na súa actual redacción a ordenanza e confusa en moitos aspectos e repetitiva. Óscar Rodríguez sinala: “Para nós, unha ordenanza coma esta ten que ser moi clariña, de maneira que todos os cidadáns saiban a que están obrigados e que dereitos teñen nos temas aos que afecta esta normativa”. Está seguro de que os cidadáns presentarán alegacións a ordenanza aprobada inicialmente só cos votos dos concelleiros do goberno municipal.
Entre as deficiencias que o PP atopa neste documento está a carencia de toda referencia ao problema da pandemia, que, como é sabido, provocou que as institucións emitisen normas de obrigado cumprimento. Óscar Rodríguez di: “O que está claro é que un documento como este, a debate aínda neste momento, non se pode esquecer dos problemas relacionados coa covid-19; é inaudito que non se faga nin referencia a este asunto”.
Rodríguez, para poñer de manifesto a necesidade dunha ordenanza como a que ao seu xuízo precisa Viveiro, destacou que días pasados houbo un acto de vandalismo no paseo marítimo, no que os gamberros desmontaron algúns dos bancos. Tamén se fixo eco das queixas de veciños porque recentemente algúns contedores dunha rúa non foron baleirados en varios días.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
