A Mariña, sábado 26 de setembro 2020. O deputado mariñao Daniel Castro, xunto coa tamén deputada Olalla Rodil, a responsable comarcal do Bng e alcaldesa de Barreiros Ana Ermida, o alcalde ribadense Fernando Suárez e a deputada provincial Mónica Freire, en rolda de prensa diante do Centro de Saúde de Ribadeo, deron conta das iniciativas a presentar tanto no Parlamento de Galiza como noutras institucións sobre a grave problemática que se está a vivir na Mariña en Atención Primaria e especialmente no servizo de pediatría en moitos concellos da comarca.
Graves deficiencias que o PP segue sen subsanar na maioría dos concellos
Casos que xa non son novos e que se repiten en concellos coma Xove e Cervo con baixas da pediatra que non se cubren e sobrecargan a Burela, ou Alfoz e Valadouro que levan reclamando varios anos ese servizo, feito que os condiciona a desplazarse a Foz donde o servizo está xa de por sí desbordado, ou os casos de Mondoñedo, Lourenzá e Barreiros que compartían servizo pediátrico nuns días e unhas horas determinadas ao longo da semana pero que tanto as baixas como as vacacións da profesional non se cubren, cos conseguintes graves inconvintes para a poboación.
E tamén no Centro de Saúde de Ribadeo desde hai un mes ocorre outro tanto, pois ao atoparse de baixa a pediatra e sen ter un relevo, esto provoca que se empecen a dar citas con mais de mes e medio de espera. Esto afecta tamén ao concello de Trabada.
“Diante desta problemática, instaremos ao Parlamento a esixir da Xunta de Galiza cobertura estable, continuada, e desde o primeiro día no que se produza a ausencia dun ou dunha pediatra titular nestes concellos antes mencionados ou en calquera donde se produzan ausencias xustificadas da/do profesional” afirmou Daniel Castro.
É preciso dotar a Atención Primaria dos recursos orzamentarios, materiais e humanos suficientes para afrontar con totais garantías a nova situación
Olalla Rodil e Ana Ermida fixerón fincapé tamén na grave situación que está atravesando a atención primaria na Mariña, non só agora desde a pandemia, senón xa desde a eleminación da Área Sanitaria por parte do PP.
“É preciso poñer en marcha un Plan para a Atención Primaria que recolla o aprendido nesta crise mais tamén todas as demandas que existían con anterioridade. A Atención Primaria foi unha das áreas máis prexudicadas pola política de recortes orzamentarios da última década polo que se o seu reforzo era necesario antes da pandemia, agora resulta imprescindíbel. É fundamental dotar a Atención Primaria dos recursos orzamentarios, materiais e humanos suficientes para enfrontar, coa máxima calidade asistencial e garantías, a nova situación. Mais tamén urxe un cambio de modelo, reverter as políticas de recortes e privatizacións e unha actuación urxente de recuperación da Sanidade Pública Galega” manifestou Olalla Rodil.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
