Burela, 10 de novembro, 2020. Os burelistas non puideron dar a sorpresa esta tarde na pista do líder (4-2). O Pescados Rubén, que chegaba á cita sen Álex Diz –magoado no último adestramento- e con outros efectivos entre algodóns, tivo que remar contra a eficacia do Levante VDE FS, que encamiñou a cita cunha vantaxe de 3-0 ao descanso; a escuadra galega reaccionou sobre a rede no último cuarto, con rápida resposta local, e atopou recompensa de novo con xogo de cinco, sen tempo para máis. Agora toca pensar xa no peche da semana, para gozar do derbi irmandiño da elite, coa visita do Parrulo FS este sábado a Vista Alegre (18.30 horas); os ferroláns chegarán tras a derrota 2-5 na casa ante Real Betis Futsal.
Sen apenas posicionarse sobre a pista, Rubi adiantou os locais, fronte a un Burela que ofreceu demasiadas concesións no primeiros dez minutos. Ás poutadas de Maxi e Roger, nas filas laranxas contestaron cunha volea de Matamoros que atopou a man de Fede. Kaluza mantivo a rede galega a recado no perigoso remate de Rubi rozando a medianía da primeira parte, pero nada puido facer despois ante a chegada de Rivillos. Puido acurtar Burela no bo entendemento entre Renato e Pitero, desartellado pola defensa levantina. Esteban anotou o terceiro a falta de tres minutos para o descanso. O internacional tivo que aplicarse nos últimos compases antes da bucina en dobre tentativa de Gallo.
Rafa Usín e Gallo buscaron ampliar a fenda na continuación fronte a un Pescados Rubén Burela que pelexou con garra e coraxe medrando ante as adversidades, cos primeiros minutos de liga para outra das Xoias, Nito, ofrecendo unha excelente imaxe. Os laranxas non deixaron de crer e loitar. A maxia de Matamoros puxo a proba a Fede, de cabeza, no 33, e por fin, no 34, Quintela estreou o luminoso en segunda xogada dentro da área. Con 5 minutos para o final, o 10 burelista asumiu o rol de porteiro xogador. Con todo, para infortunio dos do Mariskal, Lucho viu a segunda amarela e o Levante aproveitou a súa superioridade para perforar a rede de novo, con Rafa Usín. Non baixaron os brazos os galegos, reduciron con xogo de cinco con Pitero no 38 para o definitivo 4-2.
Ficha técnica
Levante UD FS: Fede, Maxi Rescia, Rafa Usín, Rubi, Pedro Toro, cinco inicial; tamén xogaron Roger, Rivillos, Márquez, Cayetano, Gallo, Esteban
Pescados Rubén Burela FS: M. Kaluza, Pitero, Javi Rodríguez, Renato, Giasson, cinco inicial; Lucho, Matamoros, Iago Míguez, Quintela, Eto’o, Nito
Goles: 1-0, minuto 1, Rubi; 2-0, minuto 11, Rivillos; 3-0, minuto 17, Esteban; 3-1, minuto 34, Quintela; 4-1, minuto 37, Rafa Usín; 4-2, minuto 38, Pitero
Árbitros: Centeno Bono, Alberto // Centeno Bono, Jordi. Por Levante amarela Diego Ríos (minuto 23), Pedro Toro (minuto 26). Por Burela amarela para Lucho (minuto 7), Quintela (minuto 12), Renato (minuto 29)
Incidencias: Partido correspondente á xornada 8 de Primeira División Masculina disputado no municipal de Paterna.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
