Sobre o potencial, atractivo espiritual e de percorrido de fe, dos distintos Camiños de Santiago, está hoxe sen discusión fora de toda dubida o seu retorno e beneficio para Galicia. A celebración dos anos santos son o cumio do impacto económico deste fenómeno que nace na Idade Media no Reino de Galicia. Certo é que ao carón do camiño non se impuxo ou non se potenciou un intercambio económico coas rexións que comparten itinerario. A incidencia é no eido cultural e turístico e o intercambio é basicamente nese campo. Mais non podía ser tamén unha cabeza tractor de maior intercambio industrial e comercial? Son escasas as iniciativas que no campo do comercio e da empresa se fan ao carón do Camiño, xa que as administracións galegas, de toda cor, empuxan o paradigma cultural soamente, porén non se podería facer unha feira da sidra da Estrada en Roncesvalles ou un networking de empresas galegas en León?
Mención distinta ten a Ruta da Seda Atlántica que impulsa o xigante mundial da economía dirixido por Xi Jinping, que na base histórica e cultural do Camiño da Seda pretende un forte intercambio económico e de sinerxías, con Portugal como porta de entrada en Europa, tendo Macau un papel singular. Galicia como hub atlántico que sempre foi, está no radar das autoridades chinesas para esta importante estratexia de comercio global entre Europa e o principal estado consumidor do mundo, están Galicia e os nosos dirixentes aproveitando esta situación? Non.
As forzas políticas galegas con centro de decisión en Madrid: PSOE, PP e Podemos están asubiando e vendo pasar unha nova oportunidade para o noso País. A clara aposta de Sánchez e Iglesias pola conexión ferroviaria atlántica de Lisboa e Porto por Madrid e Valladolid demostra que non entenden a importancia histórica de Galicia como conector global, na ruta atlántica de Roma e China e nos Camiños de Santiago. Mentres Feijoo e Caballero debaten sobre as medidas de Ayuso en Madrid, Urkullu reactiva a euro-rexión “Aquitania-Euskadi-Navarra” para a defensa do corredor atlántico.
Mención neste punto ás tímidas criticas das organizacións empresariais galegas, e parabéns sen dubida ao Primeiro Ministro D. Antonio Costa que na cimeira ibérica de Guarda parou os pés a Sánchez explicando que para Portugal o ferrocarril europeo ten que ir vía Porto-Vigo-Coruña.
A que espera Feijoo para facer como Urkullu e defender os intereses de Galicia de forma coordenada con Portugal? Cómpre que Galicia recupere a posición global, que na historia sempre tivo de conectar civilizacións, seremos quen? Ou pasará outro tren rumbo a esa burato negro que é Madrid.
Piñeiro Docampo
Sº XERAL DE CxG
MEMBRO DO CONSELLO DO PARTIDO DEMÓCRATA EUROPEO
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Solicítase á veciñanza que retire os vehículos estacionados nesta zona durante a mañá do martes, co fin de facilitar o desenvolvemento dos traballos. A Policía Local colocará esta tarde a sinalización informativa correspondente. Durante as actuacións poderán producirse cortes puntuais de circulación, procurando facilitar o acceso aos garaxes da zona. A duración dos traballos dependerá das condicións meteorolóxicas e da súa evolución. O Concello de Viveiro agradece a colaboración da veciñanza e desculpa as molestias que se poidan ocasionar.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
