Lugo, 1 de decembro de 2020. O Presidente da Deputación de Lugo, José Tomé Roca, asinou este martes co presidente da Federación de Comercio de Lugo, José María Seijas López, o convenio de colaboración pola cal a institución provincial achega 52.0000€ á entidade para a campaña Este Nadal, o comercio de Lugo máis preto de ti. Comercio de Lugo Seguro, Nadal Seguro. Trátase da nova iniciativa que poñen en marcha Deputación e Federación de comercio para incentivar e promover entre a veciñanza as compras nos comercios de proximidade da provincia durante o Nadal.
Tomé Roca e Seijas López aproveitaron o acto para presentar dita campaña de sensibilización e promoción da seguridade nas compras nos pequenos comercios que se enmarca dentro do obxectivo da Deputación de traballar da man co tecido asociativo da provincia e mellorar o actual contexto económico e social derivado da pandemia do coronavirus.
Tomé Roca destacou que “dende a Deputación vimos colaborando dende xa hai anos coa Federación en programas e accións para visibilizar a calidade do sector, e para incentivar as compras no pequeno comercio, no comercio de proximidade da nosa provincia. Foi sempre unha colaboración importante, pero, dende logo, neste ano é fundamental e imprescindible que desde a institución provincial fagamos esta inxección económica ao sector, tendo en conta que, xunto coa hostalería, o turismo e a cultura, é o que está a sufrir o impacto máis grave polas restricións da crise sanitaria”.
Así mesmo, o Presidente subliñou que esta nova colaboración enmárcase no compromiso da Deputación de traballar da man cos propios sectores produtivos para axudar na recuperación do emprego e da actividade económica da provincia. Nesta liña, explicou que a institución provincial dedica 30 M€, un terzo do total do Orzamento, a Políticas Sociais “porque cremos que é o mellor modo de garantir a calidade de vida dos nosos veciños e veciñas, sobre todo dos máis vulnerables”.
“Con esta campaña apoiamos aos 5.500 comercios da provincia nunhas datas fundamentais, pois o Nadal representa un importante volume dos seus ingresos, supoñendo máis do 30% da facturación anual. O comercio de proximidade é un motor fundamental da economía de Lugo, xerador de emprego e riqueza, e dinamiza as rúas e a vida social. Ademais, o comercio da nosa provincia é un comercio seguro”, salientou o mandatario provincial.
Finalmente, Tomé Roca animou á veciñanza a facer as súas compras de cara ó Nadal nos comercios do seu pobo, da súa vila, do seu barrio, nas tendas que teñen máis preto, coa seguridade de que cada transacción terá así un dobre valor, “ o valor do agasallo que lle facemos a familiares ou amigos nun ano tan complicado, e o valor engadido de saber que contribuímos a manter postos de traballo, a manter o noso estilo de vida e manter a nosa identidade como provincia”.
Pola súa banda, Seijas apuntou que “neste ano atípico arrincamos esta campaña con máis ilusión ca nunca, porque calquera empuxón que se de ao comercio é un sopro de aire fresco. Deputación e Federación de Comercio volvemos estar unidos para dar resposta ás inquedanzas do sector, concienciando ao consumidor da provincia da necesidade de apostar polo noso comercio, realizando iniciativas que incentiven o consumo e afianzando a confianza dos consumidores amosándolles que os nosos establecementos son totalmente seguros, pois fixemos os deberes”.
Un total de 10.000€ en premios
Este Nadal, o comercio de Lugo máis preto de ti desenvolverase dende o 6 de decembro ao 6 de xaneiro. Durante estes días, as persoas que merquen en calquera dos establecementos da provincia participarán no sorteo de 40 premios por valor de 10.000€, que poderán reinvestir en novas compras dos comercios adheridos á campaña. Concretamente, serán 20 tarxetas regalo de 300€ e outras 20 tarxetas de 200€. Así mesmo, durante este período os comercios incentivarán as compras nos seus locais con material promocional nas rúas e co hashtag #lugonadal en redes sociais.
Como participar
Unha vez feita a compra nun comercio local, as persoas interesadas deberán fotografar e rexistrar o seu tícket de compra en www.lugonadal.com ou solicitar o seu rexistro ao comerciante. O sorteo ante notario será o 14 de xaneiro de 2021. Máis información en www.lugonadal.com.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
