Lugo, 2 de decembro de 2020. O Presidente da Deputación, José Tomé Roca, e o presidente da Asociación de Axuda ó Enfermo Mental A Mariña, Jorge Manchado Rivero, asinaron no Pazo de San Marcos o convenio de colaboración co que a institución provincial achega 15.000 euros para sufragar os gastos de funcionamento do Centro de Rehabilitación Psicosocial e Laboral de Burela, centro de referencia en toda a comarca mariñá para o tratamento de persoas que padecen enfermidade mental e das súas familias.
Os usuarios e usuarias deste centro reciben atención no ámbito prelaboral, psicolóxico e social, realizando actividades de arteterapia, psicomotricidade, estimulación cognitiva, obradoiros de habilidades sociais ou psicoeducación, entre outras cuestións. Ademais, as persoas usuarias tamén poñen en práctica habilidades da vida diaria, xogos de interacción, ou actividades de integración social entre outras, dirixidas a conseguir o maior grao posible de autonomía e independencia.
A Asociación de Axuda ó Enfermo Mental A Mariña conta con diversos centros de atención na comarca da Mariña: unha unidade residencial no concello de Cervo, un piso protexido para persoas con enfermidade mental, unha vivenda tutelada para mulleres vítimas de violencia de xénero con enfermidade mental e dous centros de rehabilitación psicosocial e laboral, un no concello de Ribadeo e outro en Burela.
Esta asociación creouse no 1999 por familias afectadas pola problemática da enfermidade mental que uniron os seus esforzos para conseguir que as persoas que padecen enfermidade mental e as súas familias reciban axuda e asistencia continuada, buscando a integración na sociedade e na vida da comunidade, fixando como obxectivo prioritario a súa rehabilitación psicosocial e laboral.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
