Decepción, esa é a impresión que levamos no BNG de Xove trala aprobación dos presupostos municipais para o 2021, decepcionados porque nos atopamos ante uns orzamentos que pouco invitan ó municipio a saír da escuridade, a pesar da importante inversión en alumeado(262000€ ), por outra vía que non sexa a do asfalto do que tamén temos cantidade (667500€); unha política de “asfalto e poste” nada acorde nin coa época nin coa situación que vivimos os mariñás, con dous virus, moi graves os dous, o sanitario e o industrial.
O goberno municipal carece dun plan a longo prazo e cada ano que pasa demostran que a palabra xestión para eles non vai máis alá que tapar furados sin previsión ningunha de futuro; unha política que lonxe de ser conservadora trócase en arriscada porque o estancamento destas políticas castíganos ós veciños ano tras ano nunha obsolescencia nada acorde co elevado presuposto que se dispón (7935000€). A vontade do BNG non é aumentar o investimento, senón distribuílo de xeito eficaz en políticas de futuro, innovación, emprego, reactivación do rural e servizos.
A maiores dos anteriormente citados alcatrán e alumeado, o resto pódese chamar calquera cousa menos reparto. Non se pode chamar xusto un investimento que se esquece literalmente de parroquias coma Lago, Morás, Xuances ou Sumoas destinando 0€, a mellora dun acceso a San Cristovo (40000€) e o acondicionamento da fonte das hedradas (30000€) vai ser o único que reciban as parroquias de Portocelo e Monte, facendo pensar que non coñecen ou non queren recoñecer os problemas reais destes veciños.
O investimento en políticas activas de emprego segue sendo o mesmo que nos anos anteriores, cero euros, polo que cómpre non desilusionarnos ó saber que Xove, o concello que leva máis de 40 anos ó amparo do complexo de Alúmina e Aluminio, non ten ningunha alternativa laboral ó peche da multinacional Alcoa. Un peche que de non materializarse será grazas á loita dunha comarca desamparada pola clase política no poder. O máis parecido que figura no investimento relacionado coa industria, pasa polo acondicionamento da parcela de titularidade municipal dentro do polígono industrial de Camba… pero para convertela en prazas de aparcadoiro (48000€). Agora o único que podemos facer é lamentar os 40 anos de inmobilismo popular, pero do que aínda estamos a tempo é de evitar concederlles unha soa lexislatura máis.
A industria non é a única castigada nesta distribución de investimento. Son cero os euros destinados á innovación e melloras dun sector agrario tan importante na actualidade; cero os euros adicados á dinamización do rural, cero euros invertidos en política forestal e en promoción do monte galego, cero euros invertidos na promoción da lingua e cultura galega, cero tamén as políticas adicadas a frear deriva demográfica que estamos a vivir no noso Concello no que cada vez somos menos e máis envellecidos e tampouco fan nada para frealo, unha poboación envellecida que tamén forma parte do grupo de maior risco dunha Covid que tamén leva cero euros adicados.
En resumo, a palabra decepción quédasenos algo curta ante tales contas. Sabemos que mentres non chegue unha alternativa política que si aposte polo futuro da vila, esta vai ter que seguir amparada polo abnegado traballo das distintas asociacións e clubs, que co seu traballo aportan máis ó Concello que o propio goberno municipal intentando facer de Xove un lugar atractivo ó que vir e no que vivir.
Miguel García Rodríguez
Concelleiro BNG Xove
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
