Santiago de Compostela, 22 de decembro de 2020. O vicepresidente económico e conselleiro de Economía, Empresa e Innovación, Francisco Conde, mantivo hoxe un encontro con representantes das principais industrias electrointensivas galegas no que se demandou ao Goberno medidas de apoio que xa se aplican noutros países europeos para rebaixar o prezo da factura eléctrica e competir así en igualdade de condicións. Ademais, apuntou que o novo estatuto achega máis obrigas que beneficios para as empresas.
Así, Conde explicou que “lamentablemente estamos na situación de partida, cun estatuto que non achega solucións e que tampouco achega certezas con respecto ao prezo eléctrico de cara a futuro”. Por iso, subliñou que se está “poñendo en risco a viabilidade e a continuidade da industria electrointensiva en Galicia”, e polo tanto, pediulle ao Goberno “que reaccione e que sobre todo se poidan implementar medidas concretas que garantan esa estabilidade e a competitividade”.
O vicepresidente económico explicou que nestes momentos en España as empresas están pagando 20 euros máis por MW que calquera competidor a nivel europeo, como en Francia ou en Alemaña. Para equiparar o prezo da enerxía en España ao dos seus competidores europeos, Conde demandou “que se poidan aplicar o 100% das compensacións por CO2, tal e como permite a Comisión Europea, xa que só se está aplicando nestes momentos o 20%”.
En segundo lugar, pediu o establecemento dun sistema de poxas de interrompebilidade dirixidoás empresas electrointensivas, e que estas contemplen a figura do consumidor hiperelectrointensivo, lembrando que nestes momentos noutros países europeos estanse tamén establecendo estas poxas de interrompebilidade.
Tamén se solicita desde Galicia que se poidan eximir as peaxes de transporte, tal e como se está aplicando en Francia ou Noruega, e en cuarto lugar, que se reduza a fiscalilidade cunha exención do imposto de xeración eléctrica sobre as empresas electrointensivas.
Segundo remarcou o vicepresidente económico da Xunta, “estamos ante un estatuto que establece máis obrigas que beneficios”, pois o beneficio que teñen as empresas con este novo marco é de só 50 céntimos. Conde, que denunciou que se está universalizando o estatuto en lugar de dar resposta ás empresas hiperelectrointensivas, demandou unha reacción por parte do Goberno para que “a situación tan difícil que se está pasando en moitos sectores non se faga extensible cara a esta industria”.
Unha persoa esqueceu unha pota no lume. Queimouse todo o contido do recipiente e a vivenda encheuse de fume, por iso deberon intervir os Bombeiros de Viveiro, para poder ventilar e garantir a habitabilidade. Ninguén resultou ferido. Tampouco dúas mascotas que estaban dentro do inmoble. Quen avisou ao 112 Galicia ás 13:30 horas de hoxe eran os propios afectados, que vían saír fume da súa casa, situada na Rúa Grande, en Celeiro.
Este colectivo organiza, un ano máis, o V Encontro de Camións, que terá lugar na Alameda ortegana este venres e sábado. O encontro serviu para presentar a camiseta oficial desta quinta edición.
Este xoves gardouse un minuto de silencio ante a Casa do Concello, como xesto símbólico en solidariedade coas familias das persoas falecidas e desaparecidas, e con todas as persoas que resultaron vítimas, dun ou doutro xeito, da devastadora DANA que afectou sobre todo, á Comunidade Valenciana e a Castela A Mancha. As bandeiras tamén locen a media asta en sinal de loito.
Os feitos delituosos tiveron lugar o pasado día 18 de outubro, no interior dun establecemento comercial de Ribadeo, cando supostamente a persoa investigada aproveitando un descoido da propietaria do local subtraeu dous aneis dun expositor. No marco da investigación logrouse recuperar un dos obxectos subtraídos, continuando xestións para localizar e recuperar o outro. As dilixencias policiais e a persoa investigada foron postos ao dispor xudicial.
O pasado sábado, 26 de outubro, tivo lugar na Pousada do Almacén en Cervo unha emotiva xuntaza do antigo alumnado do Cole de Cervo dende a xeración de 1977 ata 2006 para homenaxear a súa mestra Lila, con motivo da súa xubilación, estando acompañada polo seu inseparable Toño (tamén mestre no Centro). Lila foi unha carismática mestra que impartíu no Colexio Público de Cervo dende comezos da década dos 90 ata xuño pasado. Máis de 70 persoas asistiron á cea e unhas 110 participaron nos distintos agasallos entregados ao remate cos respectivos discursos. A homenaxe continuou logo no Muíño para rememorar anécdotas dos tempos mozos das persoas asistentes.
A edil Begoña Sanjurjo explicou que “foi unha xornada de convivencia e desconexión do mundanal ruído”. E contou que “a meteoroloxía deixounos desfrutar da contorna do balneario e da área recreativa da Carballeira en Parga, onde comemos”. A concelleira de Igualdade dixo que “foi unha experiencia que nos deixou gañas de repetir”.
Destinado ao público infantil e familiar a partir dos 3 anos. O espectáculo trata a temática da memoria, da vellez, da demencia, da soidade e da dura e esixente tarefa de coidar as persoas maiores e enfermas. Será ás 18 horas.
