Ribadeo, 18 de xaneiro de 2021. Baixan paseniñamente os casos de contaxio por covid19 no Hospital Asilo de Ribadeo. Hai dous usuarios que seguen ingresados no Cegadi, en Santiago, e outras dúas persoas no Hospital da Costa. Estas últimas poderían recibir a alta nas vindeiras horas.
O alcalde, Fernando Suárez, sinalou que “continuando a estela da derradeira nota de prensa emitida, temos que seguir falando dunha situación agridoce aínda que a medida que o tempo vai pasando, o número de casos no seu conxunto, baixan paseniñamente. Nestes momentos os responsables do Cegadi (Centro Galego de Desenvolvemento Integral) indícannos que son 2 as persoas que aínda permanecen alí das 19 de que chegou haber en total”.
O rexedor comentou que “os responsables sanitarios do Hospital da Costa indícannos que existe un novo caso positivo mais dunha persoa residente no Hospital Asilo. Tamén nos indican que as 2 persoas que levan alí días por mor do covid19 evolucionan favorablemente podendo recibir a alta nas vindeiras horas. E nos sinalan que ao longo da semana se volverá practicar un novo cribado xeral. En canto aos traballadores que hai días deron positivo, seguen recuperándose nos seus domicilios e algún deles xa está a recibir a alta médica logo de ter superada a doenza”.
Suárez Barcia dixo: “con todo, non podemos esquecer que hai 3 días a Xunta de Galicia notificou que unha persoa das que estaba desprazada no Cegadi faleceu aos 93 anos de idade”.
O alcalde ribadense segue a valorar “como moi positiva a actuación coordinada na aplicación dos Protocolos e Planes de Continxencia por parte da dirección do centro e do seu persoal, así como a actitude dos residentes á hora de enfocar esta crise sanitaria. Igualmente se continúa a valorar moi positivamente a actuación coordinada das autoridades sanitarias do Hospital da Costa e das do Cegadi por ter desprazando a Santiago á meirande parte destas persoas afectadas, logrando así dous obxectivos estratéxicos neste momento: o primeiro foi que os afectados estiveran nas mellores condicións de atención residencial e hospitalaria posible. E o segundo é que o Hospital Asilo de Ribadeo viu diminuído de xeito moi importante o risco de transmisión vírica para o resto de persoas que viñeron dando negativo en todo este tempo e que veñen supoñendo arredor da trintena, entre persoal e usuarios, sumando os que sempre deron negativo, os que viñeron do Cegadi e as altas das que sempre permaneceron no Hospital Asilo”.
E engadiu: “como sempre indicamos, manteremos informada á cidadanía sexa cal sexa a situación á que nos teñamos que enfrontar, coa confianza de que ter pasado xa polo pico de madurez deste gromo que se iniciou hai catro semanas. Seguirémolo a facer a medida que vaiamos obtendo información, ben por nós mesmos ou ben proporcionada polas autoridades sanitarias autonómicas en canto nola vaian facilitando, sempre co mellor ánimo informativo e para dar a confianza necesaria que evite rumoroloxías ou situacións de confusión”.
Fernando Suárez subliñou que “como valoración global de Ribadeo, segundo os datos que vén de publicar a Consellaría de Sanidade no día de hoxe, Ribadeo aparece con 18 casos nos últimos 14 días. Debemos, por todo isto, concienciarnos a nós mesmos, e aos que nos rodean e cos que interaccionamos a diario para que cumpramos escrupulosamente todas e cada unha das recomendacións e as obrigas que as autoridades sanitarias nos indican. De todos nós dependerá que a cifra suba ou baixe nas vindeiras horas”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
