NOTA DE PRENSA:
Os populares de Burela: “Blanco non aclarou nada. Veu a Burela facerse a foto co alcalde”.
González Barcia pediulle personalmente ó ministro a non paralización do corredor Barreiros-San Cibrao.
O portavoz popular dubida da construcción do novo edificio de Capitanía.
O PP de Burela manifestou hoxe a súa máis absoluta desconfianza e decepción ante o manifestado polo ministro de Fomento, José Blanco, na súa visita a Burela, no que atinxe á construcción do novo edifício de Capitanía Marítima e o corredor Barreiros-San Cibrao, ámbalas duas obras fundamentais para Burela pero tamén para a comarca no seu conxunto.
Durante a visita de Blanco, o voceiro dos populares, José María González Barcia, solicitoulle personalmente a Blanco que non se paralice nin tampouco se ralentice a construcción do corredor Barreiros-San Cibrao, e que Fomento teña en conta as alegacións presentadas por Burela. Barcia non pode ocultar a súa decepción: “nin se comprometeu a cumplir os prazos que están fixados para esta obra, que remantan em 2014, e mesmo deu a impresión de descoñecer que Burela tivese presentadas alegacións sobre o trazado, elaboradas por todos os grupos políticos e algúns colectivos sociais; limitouse a decir que Fomento sería sensible coas alegacións, pero tampouco dixo cando se resolverían, nin cando se encargará o proxecto constructivo. E xa levamos un ano desde que foron presentadas as alegacións. Esto, asegurou Barcia, pinta mal”.
No que respecta ó novo edifício de Capitanía, xestionado durante o mandato popular no concello de Burela, Barcia tamén lle pediu a Blanco que se cumplan os prazos marcados para a súa construcción. Pero o popular mostrouse escéptico: “A obra nin tan siquera está adxudicada, e a licitación xa leva un retraso de dous anos, co que pode entrar facilmente nos recortes de Fomento. Haberá que agardar a que se oficialicen os recortes do Ministerio, pero neste asunto tampouco podemos ser optimistas, porque o ministro só fixo recordar as condicións da licitación de obra, pero non dixo nada máis”.
Para Barcia, a visita de José Blanco a Burela non serviu para comprometer nada. Porque, por non comprometer, tampouco falou do reinicio das obras en algún tramo da A-8. Limitouse a darlle a oportunidade ó alcalde de sacarse unha foto con Blanco e a que este usara a comparecencia cos medios para atizarlle ó PP, esquecendo que os culpables dos recortes dos soldos dos funcionarios e das pensións están no goberno socialista de Zapatero, do que Blanco forma parte. De eso tampouco deu ningunha explicación.
Finalmente, González Barcia indicou que “o alcalde de Burela está totalmente fóra de servicio; está tan noqueado coma o goberno Zapatero, porque a estas alturas xa deberíamos ter coñecemento de se as alegacións presentadas por Burela acerca do corredor Barreiros-San Cibrao van ser aceptadas ou non, e en que condicións. Tén que lembrar que as alegacións fixéronse entre grupos políticos e colectivos, e aquí ninguén sabe nada, e desde hoxe ainda hai máis confusión. O alcalde limitouse a saludar a Blanco, levalo ó despacho, e nada máis”.
Os cortes de circulación aplicaranse desde as 12.15 horas ata a finalización da sesión vermú e, de novo, desde as 20.30 horas ata o remate das actividades festivas en ambas as dúas xornadas. O Concello agradece a comprensión da veciñanza e recomenda planificar os desprazamentos tendo en conta estas restricións temporais.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continúa o sábado, a partir das 19.00 horas, coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
As persoas asistentes poderán degustar a tradicional merluza de pincho preparada en diversas elaboracións, nun ambiente festivo que se completará con animación musical para gozar dunha noite de sabor, encontro e bo ambiente.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
