Xermade, 19 de febreiro de 2021. O Alcalde de Xermade, Roberto García Pernas, informou que o Tribunal Superior de Xustiza de Galicia (TSXG) ditou unha sentenza na que desestima o recurso de apelación presentado por unha empresa, Villasuso Ortegal S.L., que reclamaba ao Concello o pago de 116.730,83 euros e imponlle o pago das costas do proceso xudicial, fixadas en 1.000 euros máis IVE como máximo.
O rexedor lamenta que o Concello tivese que afrontar este proceso xudicial “debido á neglixencia e ás chapuzas” do anterior Goberno local, do Partido Popular, pois a problemática derívase dun proceso de contratación do ano 2013, antes de que entrasen no Executivo os socialistas.
O propio voceiro do PP recoñeceu nun Pleno celebrado no ano 2017, tal e como figura na acta correspondente, que as obras a raíz das que xurdiu este conflito xudicial efectivamente se fixeron cando gobernaba o Partido Popular e el estaba de concelleiro de obras, e que “a tramitación non se fixo correctamente”.
O TSXG ratifica punto por punto a resolución previa do Xulgado Contencioso Administrativo número 1 de Lugo, que subliñaba que “non existe proba algunha de que a execución dos traballos” de mellora en vías municipais polos que a empresa esixiu este pago, catro anos despois de acometer outras obras no municipio, “estivera ordenada pola Administración, o que determina a inaplicabilidade da doutrina do enriquecimento inxusto”.
O Contencioso tamén aseguraba que resulta “evidente que a dirección facultativa, nin ordenou a execución das obras fóra de contrato, nin nunca tivo coñecemento delas, como tamén que o Concello, de acordo coa proba practicada, nin de maneira formal ou informal autorizou as obras. Así as cousas, a contratista non ten dereito á cantidade reclamada pola execución dunha obra que non foi ordenada, nin autorizada pola Administración municipal”.
A orixe da demanda
A empresa demandante resultou en abril do 2013, na etapa de Goberno do Partido Popular, adxudicataria dun contrato de obra do Concello de Xermade para a mellora de viais de acceso aos núcleos de Zalaroia, Castrorramil e Poupariña en Momán, a través dun procedemento negociado sen publicidade, por un importe de 30.823,52 euros. O 23 de agosto dese mesmo ano emitiuse a certificación final desta obra e tivo lugar a recepción da mesma, firmada polo Alcalde de aquel entón, a dirección facultativa e o contratista, un documento no que, segundo recolle a sentenza do Contencioso, “non consta obxección, nin adicción algunha por parte do contratista”.
Sen embargo, catro anos despois, en maio de 2017, a empresa reclamou ao Concello unha cantidade total de 116.730,83 euros pola execución de obras non previstas no proxecto do que foi adxudicataria no 2013. A reclamación foi rexeitada pola Administración local. A empresa recorreu ao Contencioso, que tombou a súa petición, e apelou despois ao TSXG, que ratifica agora a sentenza de primeira instancia. En ambos procesos xudiciais, os servizos xurídicos da Deputación de Lugo exerceron a defensa do Concello.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
