Mondoñedo, 25 de febreiro, 2021. O Concello de Mondoñedo organiza, para o día 28 de febreiro de 2021, os actos de homenaxe a Álvaro Cunqueiro no corenta cabodano do seu pasamento.
Os actos comezarán cunha ofrenda floral perante a súa tumba no Cemiterio Vello da cidade episcopal e seguirán no auditorio municipal Pascual Veiga co nomeamento da “Cunqueirana de Honra” a Dna. Rexina Vega Rodríguez, coa lectura pública da obra de Cunqueiro El año del cometa e coa presentación do libro Arqueoloxía cunqueiriana de D. Abel Vigo, volume que forma parte da Coleccion Selva de Esmelle da Casa-Museo Álvaro Cunqueiro.
O desenvolvemento dos actos será como segue:
Cemiterio Vello:
11.00 horas: Recepción por parte do Alcalde de Mondoñedo aos/ás convidados/as aos actos.
11.15. horas: Ofrenda Floral ante a tumba do escritor e intervención por parte das autoridades.
Colocación dunha rosa ante a tumba de Leiras Pulpeiro.
Auditorio Municipal Pascual Veiga
11.45 horas: Acto de nomeamento de “Cunqueiriana de Honra” á Profa. Dra. da Universidade de Vigo Dª. Rexina Rodríguez Vega.
Intervención da Cunqueiriana de Honra, de D.Armando Requeixo (Coordinador de Actividades e Publicacións da Casa-Museo Álvaro Cunqueiro), e D. Alberto García Fernández (Concelleiro de Cultura do Excmo. Concello de Mondoñedo).
12.30 horas: Comezo do Maratón de lectura pública da obra de Cunqueiro
El año del cometa. Inicio da lectura por parte da Cunqueiriana de Honra, Dª. Rexina Vega. Continúan a lectura outros/as convidados/as.
13.00 horas: Presentación do libro Arqueoloxía cunqueiriana, volume da
Colección Selva de Esmelle. Intervirán: D. César Cunqueiro González–Seco (escritor e fillo de D. Álvaro Cunqueiro); o Prof. Dr. D. Felipe Debasa Navalpotro da Universidade Rey Juan Carlos de Madrid; D. Armando Requeixo (Coordinador de Actividades e Publicacións da Casa-Museo Álvaro Cunqueiro) e o Dr. D. Abel Vigo García (autor da obra e arqueólogo do Concello de Mondoñedo).
Asistirán ao acto:
D. Manuel Ángel Otero Legide, Alcalde–Presidente do Excmo. Concello de Mondoñedo
Dna. Elena Candia López, Primeira Tenente de Alcalde do Excmo. Concello de Mondoñedo e Deputada Autonómica
D. Alberto García Fernández, Concelleiro de Cultura do Excmo. Concello de Mondoñedo
D. Valentín García Gómez, Secretario Xeral de Política Lingüística da Xunta de Galicia
Dna. María Isabel Rodríguez López, Subdelegada do Goberno Dna. Mayra García Bermúdez, Deputada Provincial de Lugo
Dna. Rexina Rodríguez Vega, Cunqueiriana de Honra e Profesora da Universidade de Vigo
D. Armando Requeixo Cuba, Coordinador de Actividades e Publicacións da Casa- Museo Álvaro Cunqueiro
D. César Cunqueiro González-Seco, escritor e fillo de D. Álvaro Cunqueiro
D. Felipe Debasa Navalpotro, Profesor da Universidade Rey Juan Carlos de Madrid.
D. Abel Vigo García, Arqueólogo do Concello de Mondoñedo
Outros/s representantes da Corporación Local
Estes actos de Homenaxe a D. Álvaro Cunqueiro son públicos. Celébranse observando as medidas sanitarias establecidas para a Covid-19, co que os aforos serán limitados tendo en conta estas normativas.
A entrada ao Auditorio Municipal será controlada e permitirase acceso ao público ata completar o aforo posible dentro do cumprimento das normas anti-Covid-19.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
