Ribadeo, 4 de marzo de 2021. Palma Repalma é o programa do que gozarán todos os domingos do mes de marzo en Ribadeo as nenas e os nenos de ata tres anos. O día 7 Baobab Teatro estará no auditorio municipal con Ris Ras. Dentro do Apego a Concellaría de Cultura programa tamén propostas activas para as familias, segundo anunciou Pilar Otero Cabarcos.
A edil ribadense dixo que “hai uns días adiantamos a nosa programación cultural ata xuño, tamén a de público infantil. E hoxe seguimos centrándonos nas propostas específicas para bebés. Primeiramente queremos anunciar que volvemos ter as caixas de benvida que tanto éxito tiveran. Este agasallo do Apego quere potenciar que as persoas adultas, e a súa familia máis próxima en particular, lle falen o galego ás súas crianzas. A caixa contén entre outros elementos un dudú -o polbiño PO- , e un álbum de fotografías. Todas as familias teñen dereito a elas mentres non se esgoten. A campaña está dirixida ao embarazo e ata despois de 6 meses do nacemento do bebé. As familias interesadas teñen que chamar ao teléfono de Cultura do Concello para pediren cita previa e alí terán unha entrevista e unha pequena charla arredor do que significa o proxecto Apego”.
Pilar Otero subliñou que “a maiores, a novidade deste ano é que imos concentrar nun ciclo as artes escénicas específicas para nenas e nenos de ata 3 anos. É o programa Palma Repalma, que ocupará todos os domingos do mes de marzo ás 17.30 no auditorio. Trátase de espectáculos de música, teatro ou arrolos para os máis pequenos da casa. O primeiro deles terá lugar este mesmo domingo, 7 de marzo, e dános a posibilidade de ver unha das compañías de máis éxito, Baobab Teatro, coa súa obra Ris Ras. Está destinada para nenas e nenos de 1 ano en adiante. Ademais pasarán tamén polo auditorio Raquel Queizás, Caramuxo Teatro e Rilo & Penadique”.
A concelleira de Cultura engadiu que “por último, no Apego en Ribadeo queremos incluír propostas activas, onde as familias non sexan simples espectadoras. Fixéranse xornadas de matronatación, sesións de arrolos con Ugia Pedreira e desta vez programamos dous obradoiros arredor do xogo heurístico a cargo de María Novo. Remato lembrando que terán información puntual a través da páxina do Facebook de Cultura Ribadeo e dunha listaxe de correo para a que haberá que dar o enderezo”.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
