A Mariña, a 5 de marzo de 2021. O xulgado do social de Lugo vén de condenar a Cotelsa, auxiliar de Alcoa, por vulneración dos dereitos fundamentais do compañeiro Kike Rocha, delegado da CIG e voceiro da plataforma que agrupa ao persoal das contratas. Na sentenza recoñécese que a decisión de trasladalo de departamento dentro da fábrica de aluminio responde a unha represalia contra o traballador polo seu labor sindical e pola súa significación no proceso de negociación do ERE de Alcoa.
Por esta clara vulneración de dereitos, o xulgado condena a Cotelsa a recolocar a Rocha no seu posto de traballo (departamento de electrodos) nas mesmas condicións que tiña e a abonarlle unha indemnización polos danos morais. A CIG acolle con satisfacción a resolución xudicial que “confirma toda a razón que os traballadores e traballadoras da fábrica de aluminio teñen na súa loita na defensa de futuro industrial para Mariña e polos mantemento dos empregos”.
Na sentenza, ademais, recálcase que este comportamento, de carácter grave, non só afecta á liberdade sindical do compañeiro Kike, senón que “ten unha dimensión colectiva que vai máis aló da afectación ao delegado en concreto”. Así, no texto faise fincapé en que esta vulneración de dereitos “se produce nun momento especialmente sensíbel como é o da existencia do ERE de Aluminio Español, SA (aínda non resolto) con repercusión no emprego da multinacional, das auxiliares e de toda A Mariña”.
Tanto é así que a persecución a Rocha non se pode entender á marxe do conflito que se vive na Mariña contra os plans de peche e a parada das cubas, nin á marxe das propias actuacións de Alcoa. Pois resulta evidente que a decisión de trasladar ao compañeiro constituía un castigo á representación dos/as traballadores/as das auxiliares, a quen a multinacional se negou en todo momento a darlle interlocución na negociación do ERE.
Neste senso, hai que subliñar que a propia sentenza salienta que “o demandante se significou de xeito moi destacado nas actividades da Plataforma (en referencia ao colectivo de persoal das auxiliares) e participou de forma activa, notoria e pública no proceso negociador” do ERE; ademais de valorar que no departamento de electrodos (onde estaba destinado) os traballadores/as de Cotelsa prestan servizos xunto ao persoal propio de Alcoa, o que non sucede no departamento de obras onde a onde o trasladaron.
Xunto a isto, na resolución tamén se ten en conta que Cotelsa xa tiña unha resolución xudicial previa por vulneración da liberdade sindical.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
