Mondoñedo, a 19 de marzo de 2021. Mondoñedo dá un paso máis na promoción do municipio coa inclusión de todas as empresas do concello en Turisgalicia APP e en Google. Isto será posible logo de que a entidade local, en colaboración cos negocios, consultase a idoneidade de por esta medida en marcha e fose valorado positivamente.
A adhesión a esta plataforma dixital conleva importantes beneficios para os establecementos, segundo explican dende o goberno local. Concretamente, a aplicación aumentará, en primeiro lugar, a visibilidade dos establecementos, o que incrementará notablemente o alcance con clientes potenciais; en segundo lugar, mellorará a súa xeolocalización de forma que as empresas estarán mellor posicionadas na Rede e serán atopadas no buscador Google con maior facilidade e, en terceiro lugar, perfeccionará a súa xestión, xa que o establecemento elixe a información que quere amosar aos usuarios, así como interactuar con eles e consultar as reseñas.
Neste senso, a información que figurará tanto en Google como na App vai dende unha ficha con todos os detalles do establecemento, fotografías, teléfono emprazamento, redes sociais, páxina web, mail e o horario de atención ao público.
Campaña #mercaenmondoñedo
O proxecto leva aparellado unha campaña publicitaria #mercaenmondoñedo, con contas propias en Facebook e Instagram, ademais de diverso material audiovisual e a creación de Tik Tok. A modo de exemplo, en Facebook e Instagram incorporaranse 4 establecementos á semana, cun feed chamativo, información de cada un e fotografías. Ademais, entrando en cada imaxe poderase ver en forma de carrousel outras imaxes seleccionadas do local, cos produtos que ofrecen, ubicación, etc. As publicacións incluirán promocións, ofertas e publicidade puntual dos establecementos.
Iniciativa que se suma a The Mondoñedo Walley
Esta iniciativa súmase ao proxecto de desenvolvemento tecnolóxico impulsado tamén dende o Concello The Mondoñedo Walley (https://themondonedovalley.com/), que foi posto en marcha hai máis de tres anos e que para os seus promotores é todo un exemplo para o resto de municipios de España, xa que pretende fixar poboación no rural e atraer a persoas das cidades que busquen un novo lugar para vivir e cunha maior calidade de vida. A través desta actuación ponse en valor o territorio rural empregando a innovación tecnolóxica para favorecer a sostibilidade produtiva da economía local no contorno dixital.
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
