Ribadeo, 22 de marzo de 2021. O Concello de Ribadeo organiza cursos preparatorios para os exames de Competencias Clave Nivel 2 que se celebrarán en 2021. A inscrición estará aberta do 26 de marzo ao 16 de abril.
O alcalde ribadense, Fernando Suárez, anunciou que “desde o Concello consideramos sempre moi importante a impartición de formación básica no que se ven chamando Competencias Clave e que isto pode contribuír de maneira moi positiva na mellora do acceso ao emprego, sobre todo aquelas persoas que por mor da súa situación académica, por necesidades ou por que no seu momento non puideron acceder a ela e agora teñen oportunidade a través desta figura de Competencias Clave”.
O rexedor declarou que “visto que a Consellería de Emprego convocou unha serie de exames deste tipo para o ano 2021, queremos desde o Concello desenvolver uns cursos formativos nestas materias de Competencias Clave de Matemáticas nivel 2, de Lingua Galega nivel 2 e de Lingua Castelá nivel 2. Polo tanto, con fondos municipais, queremos levar adiante unha serie de cursiños para formar á xente para que teña un coñecemento mínimo para poder enfrontarse a estes exames cando lles toque”.
Suárez Barcia sinalou que “todas as persoas que son destinatarias son as que están empadroadas no concello de Ribadeo e que se matriculen nos exames de competencia clave do ano 2021 que fai a Xunta. O que teñen que facer, se queren acudir a esta formación que gratuitamente imos dispensar desde o Concello, é solicitalo na Casa do Concello, con copia do DNI e co xustificante de matrícula nos exames de Competencias Clave 2021, e o período será do 26 de marzo ao 16 de abril. Para obter máis información poden mandarnos un correo a orientacionlaboral@ribadeo.org ou achegarse ao Servizo de Orientación Laboral para darlles máis información”.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
