Lugo, 8 de abril de 2021. A Xunta de Galicia está a desenvolver un amplo abano de medidas para axudar á hostalería neste difícil contexto sanitario, e continuará apoiando ao sector para que poida manterse a flote en tanto a situación non permita o normal desempeño do seu traballo. Así o trasladou o delegado territorial, Javier Arias, na primeira xuntanza que mantivo coa nova directiva da Asociación Provincial de Empresarios da Hostalería de Lugo (APEHL), que continúa presidindo Cheché Real.
A reunión serviu para valorar as medidas que están en marcha ou en proxecto para os próximos meses. En primeiro lugar, Arias lembrou que a Consellería de Emprego e Igualdade está a abonar as axudas directas do segundo Plan de rescate, ao tempo que deseña a terceira edición xunto cos empresarios, sindicatos e autónomos no marco do Diálogo Social e na Mesa do Emprego Autónomo, para activalo en canto o Estado transfira os fondos necesarios. O delegado lembrou que a Xunta xestionou os dous primeiros plans coa máxima axilidade, “de forma que en catro meses mobilizamos 161 millóns de euros de fondos propios”.
Igualmente, apuntou que o Goberno galego tomou a decisión de eximir ás empresas de devolver axudas nas que non puideron facer fronte a determinados compromisos marcados nas bases das convocatorias sempre que demostren que é como consecuencia da covid-19, prestando especial atención aos sectores máis afectados por esta crise.
Esta medida de apoio dá continuidade a outras xa aprobadas con anterioridade, como a decisión de favorecer a solvencia de pemes e autónomos ampliando os prazos de reembolso dos préstamos e microcréditos, así como o período de carencia dos mesmos que pasa de 12 a 24 meses.
Hostalería segura
Javier Arias afirmou que a Xunta “facilita a apertura da hostalaría na medida en que as condicións sanitarias o permiten” e apelou á responsabilidade “non só do sector, senón tamén dos usuarios para que se poida manter a actividade”.
O delegado insistiu en que a hostalería está a realizar un gran esforzo de adaptación ás restricións sanitarias para mostrarse como unha actividade segura. A Xunta facilitoulle ferramentas a través da plataforma web Turespazo, na que os hostaleiros poden descargar os carteis informando de aforos e outras cuestións e xerar o código QR do establecemento, co fin de facilitar o rastreo de posibles contaxios.
Paralelamente puxéronse en marcha iniciativas para incentivar o turismo interior, como o bono turístico. Neste momento está aberto o prazo para que se adhiran os establecementos e empresas interesadas en participar, e proximamente abrirase a convocatoria para os cidadáns.
Ocupación turística na Semana Santa
“Galicia amosou estes meses ser un destino turístico seguro e mostra diso é que resistiu mellor que o conxunto de España, cun diferencial sempre positivo segundo os datos publicados polo INE”, afirmou Arias.
A ocupación media en Galicia durante a Semana Santa oscilou entre o 55% e o 65%, tendo en conta que abriron entre o 20 e o 25% dos establecementos turísticos. Porén, en territorios como a Mariña lucense ou a Ribeira Sacra superaron as cifras de ocupación media, situándose as ocupacións por riba do 80%.
“Desde a Xunta seguimos traballando para apoiar ao tecido empresarial e garantir tanto a liquidez como a súa solvencia. Esta é a mellor forma tamén de xerar confianza e a maior estabilidade posible, tanto a nivel laboral como económico”, concluíu o delegado.
Este lume iniciouse ás 14.51 horas do luns e para a súa extinción mobilizáronse, de xeito acumulado, 2 técnicos, 14 axentes, 20 brigadas, 21 motobombas, 1 pa, 5 helicópteros e 7 avións. 
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
