Lugo, 23 de marzo de 2021. A rede de Centros de Atención a Maiores (CAM) da Deputación de Lugo conmemorou durante toda a semana o Día do Libro con actividades nas cinco residencias provinciais. Os usuarios e usuarias participaron na lectura de textos e na gravación de vídeos, onde se pode ver aos residentes lendo fragmentos literarios e que se proxectaron en todos os centros o 23 de abril, coincidindo coa efeméride.
Os CAM organizaron un certame fotográfico baixo o título Ollada a un libro. As persoas usuarias elixiron un lugar do centro onde lles gustaría ser fotografados lendo un libro de xeito individual, parellas e en grupo. Nas imaxes pódese ver aos residentes posando nas habitacións, nas salas comúns ou no exterior. O xurado, formado por profesionais da área de Promoción Económica e Social da Deputación, fallaron este 23 de abril o resultado e gravaron un audiovisual para comunicar a decisión nas residencias.
Así mesmo, os residentes animan a familiares, colexios dos municipios e traballadores a participar no primeiro certame de Seniorpía. Trátase dunha proposta literaria en forma de relato, comentario ou poema, nacida en marzo no CAM de Ribadeo, cun máximo de 141 caracteres onde cada palabra leva o mesmo número de letras que cada cifra do número Pi. Os gañadores deste certame, que poden participar en Categoría Pía de 0 a 14 anos e Categoría Senior de maiores de 15 anos, serán elixidos polos propios residentes. O fallo darase a coñecer o 29 de abril, coincidindo co Día Europeo da Solidariedade e Cooperación entre Xeracións.
Estas actividades enmárcanse no calendario de actividades que, anualmente, se celebran nos centros provinciais e que permiten “ademais de manter o ánimo dos usuarios e usuarias, é un bo xeito de que exerciten a súa memoria, a capacidade de atención e a creatividade. Estas iniciativas propician o traballo en grupo e o sentimento de comunidade, xa que todos traballan como unha rede”, recoñece o Presidente da Deputación, José Tomé Roca.
Estes recitais, protagonizados por músicos da contorna, nunca defraudan. Sen grandes nomes internacionais, pero cunha sensibilidade musical exquisita, ofrecen sempre unha experiencia artística de gran calidade. Por iso, quen asista gozará dunha nova xornada dentro do Programa Adral, que a Xunta de Cofradías promove con tanto entusiasmo.
O Concello destaca a oportunidade que supón para impulsar a hostalaría local e felicita ás persoas galardoadas pola súa contribución á gastronomía asturiana.
Este texto é o froito de varios anos de investigación e convida profesionais da educación, terapeutas e persoas curiosas a descubrir como o traballo coa arxila libera traumas e favorece unha transformación persoal profunda. Ao remate do acto servirase un viño e un pequeno petisco.
A continuación, as persoas que desexen continuar a conversa e compartir un tempo de convivencia poderán anotarse á comida que se celebrará na Casa da Penela.
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
Unha comedia orientada para público infantil escrita e dirixida por Bea Campos. Hora: 18h.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
