Burela, 24 de abril, 2021. O Pescados Rubén Burela FS demostrou hoxe en La Salobreja a súa capacidade de entrega e pelexa ata o último alento, aínda que a fortuna non estivo do seu lado na rifadísima cita fronte a Jaén Paraíso Interior (4-3) con Marcão como gran destacado. Os galegos recibiron demasiada penalización coa nova vantaxe local de 2-1 a tan só 8 segundos do descanso, pero souberon regresar do vestiario para medrar en perigo. Javi Rodríguez selou o empate no 36, abrindo unha recta final de infarto; tras a distancia andaluza de 4-2, os mariñáns seguiron tirando de coraxe para reducir con porteiro xogador no último minuto e acariñar o empate nas zapatillas de Quintela chegando á bucina.
David Pazos a punto estivo de sorprender aos amarelos nos primeiros segundos nun man a man con Marcão. Respondeu Jaén aplicándose en defensa no minuto 4 na concatenación de Mata, Pazos e Renato para aproveitar despois o perigo de Mithyue, en segunda tentativa, asistido por Piqueras co 1-0 no minuto 5. As mellores ocasións galegas para o empate estiveron protagonizadas por Javi Rodríguez no minuto 8, que non puido recibir ben Iago Míguez pegado ao pau, e David Pazos, no 11, co pau e Marcão como inimigos. Apostando por unha defensa agresiva, os de Sito Rivera conseguiron frear as arremetidas locais. Jordi Campoy e Mauricio merodearon a rede de Edu sen éxito no 14; o gardameta soubo como frear a Míchel pouco despois. Mata avisou desde pista laranxa e segundos despois chegou o ansiado empate, selado por Quintela, ao segundo pau, nunha perfecta triangulación (minuto 19). Parecía rexurdir Pescados Rubén. Marcão tivo que saír fronte a Pazos, pero a tan só 8 segundos para a bucina do descanso Antonio Pérez devolveulles aos de Dani Rodríguez a vantaxe, aproveitando unha perda galega.
Alternancia de perigo viviu A Salobreja na segunda parte cun Pescados Rubén Burela que non deixou de crer en si mesmo para ir medrando en perigo. Marcão, como no primeiro acto, quixo sorprender a Edu, aínda que sen fortuna para os locais. O meta xienense estivo moi oportuno no 26 para frear primeiro a chegada de Giasson e pouco despois a Matamoros, en estratexia. Cada vez chegaba e con máis posibilidades a escuadra de Sito Rivera. Attos tentou buscar por arriba o terceiro e respondeu Pescados Rubén Burela cun lanzamento afastado de Renato, en consonancia con Lucho, que tapou finalmente Felipe Mancha. Restaban tres minutos para o 30 e Quintela asumiu o gran protagonismo en ataque por partida dobre chocando contra o muro de Marcão. A Salobreja asolagouse de emoción na recta final. Atopou o Burela o merecido empate a balón parado con Javi Rodríguez no minuto 36, pero Jaén recuperou a vantaxe con Campoy internándose pola banda. Respondeu Sito Rivera con xogo de cinco, con neutralizaciónlocal; Alan Brandi aproveitou a porta baleira para ampliar a fenda. Os laranxas, sen deixar de pelexar, contraatacaron reducindo de novo con Javi Rodríguez a falta de 58 segundos. Marcão e Felipe Mancha salvaron in extremis o empate a 6 para a bucina final, entre Mata e Quintela.
Ficha técnica
Jaén Paraíso Interior FS: Marcão, Attos, Antonio, Míchel, Alan Brandi, cinco inicial; tamén xogaron Felipe Mancha, Mithyue, Carlitos, Mauricio, Bingyoba, Piqueras, Jordi Campoy
Pescados Rubén Burela FS: Edu, Matamoros, Renato, David Pazos, Quintela, cinco inicial; tamén xogaron Álex Diz, Iago Míguez, Javi Rodríguez, Giasson, Lucho, Pitero
Goles: 1-0, minuto 5, Mithyue, 1-1, minuto 19, Quintela; 2-1, minuto 20, Antonio Pérez, 2-2, minuto 36, Javi Rodríguez; 3-2, minuto 38, Campoy; 4-2, minuto 39, Míchel; 4-3, minuto 40, Javi Rodríguez
Árbitros: Delgado Sastre // Rabadán Sáinz. Por Jaén amarela para Attos (minuto 19), Alan Brandi (minuto 31), Mauricio (minuto 36). Por Burela amarela para Iago Míguez (minuto 9)
Incidencias: Partido correspondente á xornada 28 de Primeira División Masculina disputado en La Salobreja, con emisión en directo por Teledeporte.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
